POP 5

Lajmet më të lexuara të 5 minutave të fundit

Sport

Partizani me 'mision të pamundur', Daja: Kërkojmë mbështetjen e tifozëve kundër Bazelit, nuk do futemi në aventurë

Të paktën tre gola duhet të shënojë Partizani mbrëmjen e sotme për të përmbysur Bazelin dhe për t’u kualifikuar në turin e tretë të Conference League. Trajneri Daja e di vështirësinë e këtij misioni dhe kërkon mbështetjen e tifozëve, ndërsa thotë se nuk do ta lejojë skuadrën të futet në aventurë.

Pa frikë, qëllimi i Partizanit mbrëmjen e sotme kur të përballet me Bazelin në orën 20:00, mund të konsiderohet si mision i pamundur. Të kuqtë duhet të përmbysin në ‘Elbasan Arena’ humbjen 3-0 të pësuar një javë më parë në Zvicër në rast se duan të kualifikohen në turin e tretë të Conference League. Vetë trajneri Ilir Daja e di se me çfarë vështirësie përballet, por më shumë se kurrë sonte kërkon mbështetjen e tifozëve.

‘Do futemi jo të dorëzuar, por që të paktën të bëjmë më të mirën më të mundshme para tifozëve tanë. Shpresoj që këta të fundit të jenë të pranishëm në stadium dhe ta ndiejmë suportin e tyre, pasi ka qenë një vit jo në këtë aspekt,’-u shpreh Daja.

Për t’ia dalë Partizani duhet të synojë golin që në sekondat e para, por Daja thotë se nuk do ta lejojë skuadrën të futet në aventurë.

‘Duhet të jemi goxha të matur pavarësisht se nuk kemi çfarë humbim, por që nuk do futemi në fushë të prishim ekuilibrat. Do ndërtojmë lojën që të jemi grup në dy fazat. E di që do jetë e vështirë, por shpresojmë që këtu të bëjmë një paraqitje sa më e mirë të jetë e mundshme,’-deklaroi ai.

Po sonte, por në orën 20:30 Laçi luan 90 minuta ferri në Rumani, me qëllimin për të mbrojtur fitoren 1-0 në ndeshjen e parë kundër Craiova-s. Ndërkohë në orën 21:00 Vllaznia pret në Loro Boriçi Ael Limasol për të përmbysur humbjen 1-0 që pësoi në Qipro.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shtetet e pasura zotohen të japin për 300 miliardë dollarë në vit për vendet në zhvillim që përballen me efektin e ndryshimeve klimatike

Shtetet e pasura zotohen të japin për 300 miliardë dollarë në vit për vendet në zhvillim që përballen me efektin e ndryshimeve klimatike

24 Nëntor, 15:33