Përballja është zhbllokuar nga verilindorët në minutën e 8 të takimit, ndërsa ishte Sidrit Guri që shndërrojë në gol 11-metërshin.
Skuadra e Partizanit ka reagur menjëherë duke rihapur takimin në minutën e 24 me autor Bardhin.
Minutat e mbetura folën në avantazhin e të kuqëve, ndërsa në fund të pjesës së parë kryeqytetasit përmbysin rezultatin 1-2 me autor ish-lojtarin e Kukësit Progni.
Në episodin e dytë situata ishte në baraspeshë dhe të dyja ekipet prodhuan lojë të mirë, por nuk arritën të konkretizonin në gol rastet e krijuara.
Partizani rikthehet të fitorja pas 3 humbjesh radhazi, ndërsa Kukësi vjen nga barazimi me Kamzën në ndeshjen e parë.
Pas 11 ndeshjesh në kampionatin shqiptar të Superligës, ekipi i Kukësit renditet në vendin e tretë me 19 pikë, ndërsa Partizani ngjitet në vendin e gjashtë me 14 pikë.
(Momente nga ndeshja në supersfidën mes Kukësit dhe Partizanit në stadiumin e "Zeqir Ymerit")
Redaksia Online
N.M/Shqiptarja.com