POP 5

Lajmet më të lexuara të 5 minutave të fundit

Sociale

Pas 20 vitesh degradim, Veliaj: Pishinat e Akuadromit u transformuan, pagesa për pastërtinë e mirëmbajtjen

Me marrjen në administrim nga bashkia e Tiranës pishinat e Akuadromit, janë mundësia më ekonomike për të gjithë qytetarët e kryeqytetit, që nuk kanë mundësi të shijojnë bregdetin në këto ditë të nxehta vere. Kryebashkiaku Veliaj garantoi pastërti dhe siguri në ato ambiente.

Pishinat e Akuadromit, janë transformuar pas marrjes në administrim nga bashkia e Tiranës. Me një çmim ekonomik, ato janë mundësia më e lirë për të gjithë qytetarët e kryeqytetit, që nuk kanë mundësi të shijojnë bregdetin në këto ditë të nxehta vere.

“Jam vërtet entuziast që, pas 20 viteve kur pishinat e Tiranës ishin lënë në harresë nga menaxhimi i keq i privatit, rikthimi në duart e Bashkisë e ka transformuar situatën nga nata në ditë. Ka qenë vërtet një terr i madh dhe një gropë e madhe plehrash e hedhurinash, saqë të vinte turp të identifikoheshe me këtë ambient, ku në fakt shumica prej nesh ka kaluar fëmijërinë, ka mësuar notin e ka pasur ato kujtimet e viteve të para të jetës. Më në fund, për fëmijët e të rinjtë, sot po rikthehet ajo nostalgji, por me një cilësi të këtyre viteve, jo të viteve ’90”, tha Veliaj.

Gjatë inspektimit, kryetari i Bashkisë së Tiranës, Erion Veliaj tha se pastërtia e ujit dhe siguria janë primare që kjo pishinë të qëndrojë e hapur.

“Pastërtia është primare, kështu që edhe ajo pagesë modeste që jepet për pishinat, shkon për higjienën, klorinimin, për dezinfektimin dhe për mbajtjen pastër të ambienteve.  Dua të garantoj të gjithë qytetarët që, jo vetëm higjiena e pastërtia që janë primare, por edhe siguria e jetës”, u shpreh Veliaj.

Në varësi të kushteve të motit, kryebashkiaku Veliaj u shpreh se pishinat publike do të vazhdojnë të qëndrojnë hapur deri në fund të tetorit.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lituania njofton paketën e re të ndihmës ushtarake për Ukrainën

Lituania njofton paketën e re të ndihmës ushtarake për Ukrainën

25 Nëntor, 08:21