Pas binjakëzimit, Vlora dhe Yangzhou nisin projektet e përbashkëta
-Hidhen bazat për investime në rrugë, porte e aeroporte VLORE, 21 tetor/ATSH-Harilla Koçi/.- Kryetari i Bashkisë së Vlorës, Dritan Leli, priti sot një delegacion të qytetit Yangzhou (Kinë), pjesë e të cilit ishin edhe përfaqësues e drejtues të mjaft kompanive të njohura në Kinë, veçanërisht në fushën e infrastrukturës. Gjatë këtij takimi, ku ishte e pranishme […]
/ATSH-Harilla Koçi/.- Kryetari i Bashkisë së Vlorës, Dritan Leli, priti sot një delegacion të qytetit Yangzhou (Kinë), pjesë e të cilit ishin edhe përfaqësues e drejtues të mjaft kompanive të njohura në Kinë, veçanërisht në fushën e infrastrukturës. Gjatë këtij takimi, ku ishte e pranishme edhe ambasadorja e Republikës Popullore të Kinës në Tiranë, Jiang Yu, u diskutuan drejtimet kryesore të bashkëpunimit mes qytetit të Vlorës dhe qytetit Yangzhou, me të cilin pak javë më parë, u nënshkrua edhe një marrëveshje binjakëzimi. Investime konkrete në rrugë, në porte e aeroporte, ishte kryefjala e takimit, ku dëshira dhe angazhimi reciprok për konkretizimin e bashkëpunimit, ishte e dukshme.
Vizita e delegacionit kinez të qytetit të Yangzhout, që kryesohej nga Prof.dr. Sun Yongru, zëvendës Drejtor i Komitetit të Përhershëm Komunal të Kongresit Popullor të këtij qyteti dhe President i Dhomës së Tregtisë dhe Industrisë, pason atë që zhvilloi pak javë më parë në këtë qytet, kryebashkiaku Dritan Leli, ku u nënshkrua edhe marrëveshja e binjakëzimit.
"Bashkëpunimi aktual ka një bazë të mëparshme, miqësinë e dikurshme mes dy vende tona", theksoi në këtë takim kryebashkiaku Leli. Ndërkohë, që, të pranishmit ndanë mendimin se, kjo miqësi, tashmë do të përkthehet e përshtatet në kushte e mënyra të reja, për ta shndërruar atë në projekte e investime konkrete, për të cilat biznesi kinez, i përfaqësuar me kompanitë më të njohura në Kinë, është mjaft i interesuar.
Sipas Lelit, bashkëpunimi mes Shqipërisë dhe Kinës, ka rrënjë të thella, ka fillesa shumë më të hershme, kur miqësia shqiptaro-kineze ka qenë në klimën e saj më të mirë. "Ky bashkëpunim, veç aspektit kortezial dhe miqësor, do të ketë edhe interesin reciprok për të patur zhvillim të dyanshëm. Çdo hap i hedhur deri tani, serioziteti i negociatave, ndjeshmëria e komunkimit, ndjeshmëria e lartë politike, janë garanci e madhe që ne të vazhdojmë të ecim, ashtu si shqiptarët dhe kinezët kanë ditur të ecin prej vitesh", shtoi ai, duke u ndalur edhe në disa aspekte të efekteve pozitive që krijoi Reforma e re Territoriale e Administrative edhe në fushën e bashkëpunimit.
Ambasadorja e Republikës Popullore të Kinës në Tiranë, Jiang Yu, vlerësoi bashkëpunimin e Vlorës me qytetin e Yangzhout, ndërkohë që u shpreh se, pas binjakëzimit të dy qyteteve, ky nivel do të jetë edhe më i lartë. Ambasdadorja Yu theksoi se, bashkëpunimi në fusha të ndryshme në infrastrukturë, turizëm etj, duhet të jetë vetëm fillimi.
"Jam dakord me dy kryetarët e Bashkive që, duke shfrytëzuar miqësinë e dikurshme mes dy vendeve tona, në kushte të reja dhe në një kohë të re, të shkojmë përpara me projekte konkrete", u shpreh ajo, ndërkohë që sqaroi se, në këtë takim janë të pranishëm edhe përfaqësuesit e disa prej firmave më të fuqishme në Kinë në fushën e infrastrukturës. Ambasadorja Jiang Yu shprehu publikisht dëshirën dhe vullnetin e firmave më të njohura kineze, për të investuar dhe për të marrë pjesë në projekte të infrastrukturës, duke përfshirë rrugët, aeroporte e porte në Vlorë, por jo vetëm.
Sondazhi i ditës:
Kredimarrësit e këqinj s'do marrin më kredi, si e vlerësoni rregulloren e BSH?
-
Të mirë
70.1%
-
Të keqe
19.3%
-
Nuk e di
10.6%
Vota total: 1705
Votat totale janë unike
Lajme të tjera
-
Plagosi inxhinierin e ERE-së tek 'Komuna e Parisit', 10 mijë euro shpërblim për kokën e policit! Dyshohet se fshihet në periferi të Tiranës
20 Gusht, 00:28
-
'Më fal, nuk ia dola dot!' Policia gjen letrën e pedagogut amerikan në Tiranë që mbyti gruan e 2 qentë me litar e vari veten
19 Gusht, 23:35
-
Drejtori i Policisë në Shkodër: Pronarët e një hoteli në Velipojë vranë dy të rinjtë pas një konflikti në lokal rreth 2 muaj më parë
19 Gusht, 22:38
-
Zbardhen emrat e vëllezërve autorë të krimit të dyfishtë mbrëmjen e sotme në Velipojë, pronarë të një hoteli (EMRAT)
19 Gusht, 22:35
-
Kush është 33-vjeçari që mbeti i vdekur sot në Velipojë, në qershor kanosi me pistoletë kuzhinierin e një lokali
19 Gusht, 22:27
-
Itali/ Kishte krijuar kasafortë pas garderobës për të fshehur lekët, mjekut italian i sekuestrojnë 8 milionë euro
19 Gusht, 22:06
-
E rëndë në Tiranë/ Pedagogu amerikan mbyt gruan me litar, dy qentë i vret me shkop bejsbolli, më pas var veten! Dyshohet se ishte me depresion (FOTO)
19 Gusht, 21:58
-
Aksident në Tiranë/ ‘Range Roveri’ me targa angleze përfundon në murin e rrugës në Astir
19 Gusht, 21:50
-
Vdekja e aktori Alain Delon, Macron: Më shumë se një yll, monument francez! Le Parisian: Një legjendë e kinemasë
19 Gusht, 21:44
-
'Po mbaja në krahë fëmijën të mos mbytej', e mbijetuara e jahtit të Siçilisë rrëfen tmerrin: Dëgjoja vetëm të bërtitura
19 Gusht, 21:36
-
Aleksandër Vuçiç fiton Perëndimin me premtimet për 'arin e bardhë', por humbet popullaritetin
19 Gusht, 21:17
-
Vrasje e dyfishtë në plazhin e Velipojës! Në kërkim dy vëllezër pronarë të hotel 'Holiday'! Viktimat ishin kunetër me njëri tjetrin! Zanafilla e krimit (EMRAT)
19 Gusht, 21:16