Pas divorcit, Demi Moore anoreksike

Aktorja Demi Moore duket se po e përjeton keq ndarjen me bashkëshortin e saj, Ashton Kutcher. Ajo është fotografuar me të bijën, Rumer Willis, të cilën e ka me bashkëshortin e parë, Bruce Willis me një pamje të zbehtë dhe shumë e dobët. Moore është dukur aq e dobët, si një fantazmë, kanëkomentuar mediat duke theksuar se ajo është shndërruar në anoreksike, pasi ka humbur dyfishin e peshës që ka patur. Ndërsa më parë janë komentuar linjat perfekte të aktores, e cila konkuronte denjësisht vajzën e saj, pas ndarjes duket se ajo ka humbur shkëlqimin e dikurshëm. Flitet se aktorja ka probleme të theksuara me anën emocionale, shpesh ajo përfshihet nga kriza të forta, madje ka hequr dorë nga ushqimi dhe palestra.