Në shtetin e Indianas, Donald Trump fitoi 53 për qind të votave republikane kundër senatorit të Teksasit (37 për qind), i cili deklaroi se do të ndërpresë fushatën e tij.
Me fitoren në parapraket e Indianës, Trump është gjithnjë e më afër emërimit partiak. Ai deri tani ka 1041 delegatë ndërsa për të fituar nominimin partiak, një kandidati i duhen 1237 delegatë.
“Bëmë gjithçka mundëm në Indiana, por votuesit zgjodhën një tjetër rrugë. Me zemër të thyer, por optimistë për të ardhmen e kombit, ne po pezullojmë fushatën tonë”, tha Cruz përpara mbështetësve të tij.
Ndërsa në kampin demokrat, Bernie Sanders ka fituar arritur përballë ish-Sekretares së Shtetit, Hillary Clinton. Por pavarësisht fitores së Senatorit të Vermontit, Clinton ka shumë më tepër delegatë dhe është e pamundur përmbysja e rezultatit.
Redaksia Online
(u.s/shqiptarja.com)