TIRANË- Pas arrestimit nga SPAK të kryebashkiakut të Lushnjes, kryeministri Edi Rama mbledh sot kryebashkiakët në kryeministri!

Mbledhja do të mbahet në orën 12:00 dhe vjen pak ditë pas arrestimit të Fatos Tushes, i akuzuar për shpërdorim detyre, si edhe riformatimit të Policisë së Shtetit që u bë pak ditë më parë pas ngjarjeve kriminale në rrethe.

Mbetet për t'u parë nëse në këtë mbledhje do të shkojë Voltana Ademi, kryebashkiakja e vetme e djathtë që aktualisht  është në detyrë. Nga ana tjetër duhet thënë që disa Bashki janë pa kryetar, përfshirë Durrësin, Dibra, Vora, Lushnje dhe Rrogozhinë.