I paralizuar dhe në moshë të thyer, Sefer Poçi dhe familja e tij në Farkë rrezikoi që nga tërmeti i së shtunës të mbetej edhe pa banesë. Por, Bashkia e Tiranës ka marrë përsipër që t’i rindërtojë nga e para të gjitha banesat e dëmtuara nga lëkundjet e sizmike, me ndihmën e donatorëve. Kryebashkiaku i Tiranës, Erion Veliaj dhe Ministrja e Shtetit për Marrëdhëniet me Parlamentin, Elisa Spiropali siguruan familjen e Sefer Poçit dhe të gjithë qytetarëve të prekur nga pasojat e tërmetit, se do të kenë shumë shpejt banesat e rindërtuara.
“Ndonjëherë, ndonjë fatkeqësi, dramë, apo traumë që ndodh, na mobilizon edhe për të bërë ca punë që ishin për t’u bërë. Në fakt, në gjeografinë e periferive të Tiranës, kryesisht janë prishur shtëpitë e njerëzve të varfër, se të gjithë flasin kullat, por në fakt nuk janë prishur shtëpitë e atyre që kanë ndërtuar ndërtesa të larta. Këtu, në Farkë, një nga shtëpitë më të vjetra të Farkës së Vjetër, por edhe më e këputura, është ajo që pësoi edhe më shumë dëme”, tha Veliaj.
.jpg)
Menjëherë puna ka nisur me matjen e banesës së vjetër, e cila do të ringrihet nga e para, duke iu përgjigjur me punë konkrete nevojave të qytetarëve. “Kjo është arsyeja pse bashkë me Elisën kemi marrë një zotim: me t’u larguar ne, do vijnë inxhinierët, do bëjnë matjet, shtëpia do bëhet nga e para, me të njëjtin volum, por konstruksion i ri, që fëmijët e vegjël dhe ata që janë pak më të mëdhenj, të kenë një shtëpi të re. Besoj se është mënyra më e mirë se si përgjigjemi, jo me llafe, por me punë konkrete
Një përqafim, një ndihmë ushqimore, është mirë për të kaluar ditët e para, por ajo që na e zgjidh përfundimisht këtë punë është ndërtimi i shtëpisë së re. Kompanitë e ndërtimit kanë marrë secila nga një dosje, kanë adoptuar secila nga një shtëpi, dhe për sa kohë që në këtë qytet kanë pasur begati e prosperitet, do t’i japin mbrapsht këtij qyteti edhe bujarinë e nevojshme. Të japim fjalën! Herën tjetër që do vijmë, do jemi për të festuar shtëpinë e re. Ky qytet vërtet ka 100 halle, por edhe rrëzohemi bashkë kur bie tërmet apo një përmbytje, por edhe ngrihemi bashkë”, tha Veliaj.
Ministrja e Shtetit për Marrëdhëniet me Parlamentin, Elisa Spiropali vlerësoi gatishmërinë e Bashkisë së Tiranës për t’iu përgjigjur në kohë rekord nevojave të qytetarëve pas lëkundjeve të vazhdueshme të tërmetit që prekën kryeqytetin. Spiropali theksoi se të gjitha institucionet janë të mobilizuara në terren për të kapërcyer këtë situatë.
“Faleminderit ty edhe bashkisë që në kohë rekord gjetët një zgjidhje të tillë, që është në fakt e jashtëzakonshme, sepse shtëpia do jetë më e mirë seç është. Ato që vinë nga natyra nuk i kontrollojmë dot, tërmeti është një nga këto gjëra, po ato që mund t’i bëjë robi, atë që mund të bëjë qeveria, që mund ta bëjë bashkia, ne do ta bëjmë. Prandaj, jemi mobilizuar edhe në terren, në të gjithë territorin, për ta mbuluar, për të parë aty ku janë nevojat më të mëdha, shtëpitë që janë të pabanueshme, njerëzit që kanë nevojë për ndihma dhe përkujdesje, dhe po punojmë të gjithë si ekip për të përballuar këtë gjendje emergjence pas tërmetit. Bashkia e Tiranës është në krye të punëve”, theksoi Spiropali.
Lajme të tjera
-
Spiropali uron besimtarët për Krishtlindjet: Jezu Krishti na tregon se dashuria është forca më e madhe njerëzore dhe jo sundimi, pushteti apo pasuria!
24 Dhjetor, 17:48 -
Hapet tregu i gjelave të detit në Baldushk, apeli i kryebashkiakut Veliaj: Konsumoni produktet lokale për të ndihmuar familjet e zonës
22 Dhjetor, 12:12 -
Ironia e Spahiut: Elisa Spiropali e përmendi më shumë bashkimin kombëtar sesa Albin Kurti
21 Dhjetor, 16:30 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Veliaj inspekton punimet në shkollën ‘Ibrahim Hima’ në Vaqarr: Llafet e sherret i merr era, shkollat mbeten
21 Dhjetor, 13:41 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Takimi i dy Kuvendeve/ Spiropali: Mbështetje Kosovës për anëtarësimin në Këshillin e Europës dhe në NATO, i keni plotësuar kushtet!
20 Dhjetor, 12:09 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Veliaj inspektim në shkollat ‘Mustafa Greblleshi’ dhe ‘Sandër Prosi’: Me mure rrethuese dhe terrene të reja sportive për fëmijët
19 Dhjetor, 14:06 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor, 13:05 -
Debate në Kuvend/ Shehaj akuzon Ballukun: Ka 6 muaj shmang interpelancën, 1,3 mld euro Thumanë-Kashar, skandal! S’ka lekë për pensione, por hedh valle në festat e PS
19 Dhjetor, 10:25 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07
