POP 5

Lajmet më të lexuara të 5 minutave të fundit

Arkiva

Pasaportat, Poni: Largimi nga
vendi vetëm me biometriket

Nga sot pasaportat jobiometrike do të dalin jashtë përdorimit. Zv/ministri i Brendshëm, Ferdinand Poni, shpjegon se qytetarët shqiptarë që ndodhen jashtë vendit do të mund të kthehen në Atdhe edhe me pasaportat e vjetra tashmë të skaduara.
TIRANE- Nga e dita e sotme pasaportat biometrike janë e vetmja mënyrë për t’u larguar nga Shqipëria. Në një prononcim për mediat, zv/ministri i Brendshëm, Ferdinand Poni, shpjegoi se qytetarët shqiptarë që ndodhen jashtë vendit do të mund të kthehen në Atdhe edhe me pasaportat e vjetra tashmë të skaduara. Por sipas tij, në pikat kufitare nuk mund të dilet më nga Shqipëria pa pasaportën biometrike.
 
Zv/ministri I Brendshëm tha gjithashtu se vetëm gjatë javës së fundit rreth 9 mijë persona kanë aplikuar për t’u pajisur me këtë dokument. Ndërsa në total ky numër ka arritur në 2 milionë e 217 mijë.
 
Më 6 janar me propozim të Ministrit të Brendshëm Z. Bujar Nishani, Këshilli i Ministrave vendosi që pasaportat jobiometrike të jenë të vlefshme si dokument udhëtimi deri në datën 1 mars 2012. Vendimi u mbështetet në paragrafin e parë, të nenit 9, të ligjit nr.10306, datë 22.07.2010, “ Për disa shtesa dhe ndryshime në ligjin nr.8668, datë 23.11.2000, “Për pajisjen e shtetasve shqiptarë me pasaportë për jashtë shtetit, të ndryshuar”, citohet në deklaratën për shtyp të kryeministrisë, të asaj dite.

Procesi i aplikimit për pasaporta biometrike filloi më 25 mars 2009.

(sg/im/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Në pranga shoferi i droguar në Vorë, bllokoi rrugën me makinë dhe kërcënoi efektivët

Në pranga shoferi i droguar në Vorë, bllokoi rrugën me makinë dhe kërcënoi efektivët

11 Janar, 13:56