Receta

Pashaqofte në supë perimesh nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 29 Qershor 2023, 11:45 | Përditesimi: 29 Qershor 2023, 11:47

Pashaqofte në supë perimesh

Përbërësit:

Për qoftet:

LEXO EDHE:
Gurabijet 5-lekëshe të nostalgjisë nga zonja Albana

500 gr mish i grirë
1 qepë
1 karrotë
1 vezë
1/4 fç oriz
Vaj ulliri
Kopër, Majdanoz
Kripë, piper

Për lëngun e supës:

1 patate
1 karrotë
1 presh
2-3 lgj vaj ulliri
1 lugë gjelle niseshte
2 vezë
2 limona (lëngu)
1-2 tufa kopër
Kripë, piper

Përgatitja:

Bashkojmë në një tas të gjithë përbërësit e qofteve, e punojmë mirë brumin dhe e lëmë të pushojë. Ndërkohë kaurdisim në një tenxhere me vaj ulliri karrotën, pataten dhe preshin e grirë imët. Pasi perimet ndryshojnë ngjyrë shtojmë rreth 1 litër ujë dhe e lëmë supën të marrë valë.

Me brumin e qofteve realizojmë qofte sa një kokërr arrë dhe i vendosim tek supa. Ndajmë të verdhat e vezëve nga e bardha. Të bardhën e rrahim në marengë, më pas shtojmë të verdhat. Niseshten e tresim në lëngun 2 limoneve, e shtojmë tek veza dhe këtë masë e kalojmë tek supa me pashaqofte. Rregullojmë shijen me kripë, piper, bimë aromatike dhe e lemë supën të marrë valë në temperature mesatare derisa pashaqoftet të gatuhen plotësisht.

MC/Shqiptarja.com

TAG: