POP 5

Lajmet më të lexuara të 5 minutave të fundit

Bota

Pashkët katolike, Papa kremton meshën në Vatikan, i drejtohet qytetit dhe botës: Drita po i vjen popullit rus! 100 mijë besimtarë në shesh

Në festën e madhe të Pashkës Katolike, Papa Françesko ka dhënë një mesazh të fortë për njerëzit duke e përshkruar si ditën më të rëndësishme dhe më të bukur në histori. Mbi 100 mijë besimtarë mbërritën në shesh për të ndjekur 'Urbi et Orbi' të Papa Françeskut.

VATIKAN- Në festën e madhe të Pashkës Katolike, Papa Françesko ka dhënë një mesazh të fortë për njerëzit duke e përshkruar si ditën më të rëndësishme dhe më të bukur në histori. Mbi 100 mijë besimtarë mbërritën në shesh për të ndjekur fjalimin solemn të Papa Françeskut.

Në Pashkë fati i botës ndryshoi, 9 prilli, përkon edhe me datën më të mundshme të ringjalljes së Krishtit, ditën më të rëndësishme dhe më të bukur në histori. Blloqet e pengesave në rrugën drejt paqes të mund të kapërcehen.”- tha ai.

Si çdo vit, që prej fillimit të pushtimit rus, Papa Françesku nuk ka pushuar kurrë së bëri thirrje për një rrugë diplomatike për luftën në Ukrainë.

Ai u bëri thirrje komunitetit ndërkombëtar të rishikojë dhimbjet dhe konfliktet e botës, duke filluar nga Ukraina dhe Siria, e cila ende pret paqen.

 “Përkrahni të prekurit nga tërmeti i dhunshëm në Turqi dhe në vetë Sirinë. Ne lutemi për ata që kanë humbur familjen dhe miqtë dhe kanë mbetur të pastrehë: le të marrin ngushëllim nga Zoti dhe ndihmë nga familja e kombeve."

Le të nxitojmë të rritemi në rrugën e besimit të ndërsjellë: besimin midis njerëzve, midis popujve dhe kombeve. Le të habitemi nga shpallja e lumtur e Pashkëve, nga drita që ndriçon errësirën dhe errësira në të cilat bota gjendet shumë shpesh e mbështjellë. Le të nxitojmë të kapërcejmë konfliktet dhe ndarjet dhe të hapim zemrat tona për ata që kanë më shumë nevojë . Le të nxitojmë të ecim në shtigjet e paqes dhe vëllazërisë”. Mendoni para së gjithash për Ukrainën. Ndihmoni popullin e dashur ukrainas në udhëtimin e tyre drejt paqes dhe hidhni dritën e Pashkëve mbi popullin rus . Ngushëlloni të plagosurit dhe ata që kanë humbur të dashurit në luftë dhe lërini të burgosurit të kthehen të sigurt në familjet e tyre. Hapni zemrat e gjithë komunitetit ndërkombëtar për të punuar për t'i dhënë fund kësaj lufte dhe të gjitha konflikteve që po përgjakojnë botën”.- tha ai. 

Françesku vlerëson shenjat konkrete të shpresës që na arrijnë nga shumë vende, duke filluar nga ato që ofrojnë ndihmë dhe mikpritje për ata që ikin nga lufta dhe varfëria.

"Pashkë, që do të thotë "kalim", sepse në Jezusin u krye kalimi vendimtar i njerëzimit.: që nga vdekja në jetë, nga mëkati në hir, nga frika në besim, nga shkretimi në kungim. Qoftë për secilin prej jush, të dashur vëllezër e motra, veçanërisht për të sëmurët dhe të varfërit, për të moshuarit dhe për ata që po kalojnë momente sprovash dhe përpjekjesh, një kalim nga mundimi në ngushëllim”.- tha ndër të tjera Papa.

G.MO/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça