Receta

Pastiçe e shpejtë në tigan me kimë e perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 28 Shtator 2023, 12:08 | Përditesimi: 28 Shtator 2023, 12:11

Pastiçe me kima në tigan

Përbërësit:

400 gr mish i grirë
1 qepë
1 karrotë
2 thelpinj hudhër
1 lç pelte domate
200 gr domate
1/2 tufë majdanoz
250 gr makarona
2 kokrra vezë
150 gr djathë të grirë
Krem djathi ose 500 gr kos
Gjalpë
Arrë moskat
Kripë, piper

Përgatitja:

LEXO EDHE:
Pulë me oriz në furrë nga zonja Albana

Kaurdisim me pak gjalpë qepën dhe karrotën e grirë imët. Më pas shtojmë hudhrat e shtypura, mishin e grirë, salcën e domates, kripë, piper, arrë moskat dhe pak sheqer për neutralizimin e aciditetit të domates. Pasi e kemi kaurdisur mirë kimën shtojmë ujin dhe makaronat dhe i lëmë të ziejnë për 8 minuta derisa të përthithen lëngjet. Shtojmë dhe majdanozin e grirë imët. Në një tas përziejmë kremin e djathit ose kosin me djathin e grirë, vezët, piper dhe arrë moskat. E shtojmë kremin sipër makaronave dhe e vendosim në furrë në 200 gradë në grill.

MC/Shqiptarja.com

TAG: