Receta

Pastiçe fshati në pak minuta me perime dhe sallam crudo zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 11 Korrik 2023, 11:32 | Përditesimi: 11 Korrik 2023, 11:35

Pastiçe fshati me perime dhe sallam crudo

Përbërësit:

1 pako makarona
300 gr djathë
3 gota qumësht
3-4 vezë
1 lgj niseshte
1 lgj gjalpë
2 lgj vaj ulliri
1 kungull
1 karrotë
2 speca (jeshil dhe i kuq)
Sallam Crudo Hungarez FIX
Kripë, piper i zi

Përgatitja:

LEXO EDHE:
Pulë e mbushur nga zonja Albana

Vendosim makaronat të ziejnë për rreth 5 minuta në ujë me kripë. Ndërkohë tresim niseshten në qumësht e trazojmë mirë, më pas shtojmë vezët duke vazhduar trazimin. Vendosim një tenxhere në zjarr me pak gjalpë dhe sapo gjalpi të fillojë të shkrijë shtojmë qumështin me niseshte dhe vezë. E trazojmë vazhdimisht me tel dore derisa masa të bëhet kremoze.

Makaronat e zjera i vendosim në një tas ku i përziejmë me pak vaj ulliri, djathin e thërrmuar, sallamin e prerë në feta dhe perimet në kubikë. I kalojmë makaronat në një tavë dhe sipër tyre hedhim kremin e qumështit. Sipas dëshirës mund t’a spërkasim me pak djathë, e vendosim pastiçen në furrë të nxehtë në 180 gradë Celsius për 30 minuta.

MC/Shqiptarja.com

TAG: