Receta

Pastiçe me mish të grirë dhe beshamel nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 29 Mars 2023, 12:08 | Përditesimi: 29 Mars 2023, 12:09

Pastiçe me mish të grirë dhe beshamel

Përbërësit:

1 pako makarona
5 lgj djathë kaçkavall i butë
800 gr mish i grirë
4 lgj vaj ulliri
1 qepë e vogël
1 karrotë
5 feta proshutë
2 thelpinj hudhër
1 gjethe dafine
1 shkop kanelle
5 gozhdë karafil
1 domate
2 lgj salcë e koncentruar
1 fk verë e kuqe
Kripë, piper

Beshameli:

LEXO EDHE:
Pulë me oriz në furrë nga zonja Albana

250 ml qumësht
6 lgj niseshte
2 lgj gjalpë
2 vezë
Arrë moskat
Djathë i grirë

Përgatitja:

Vendosim në një tenxhere ujë me kripë dhe 1 lugë vaj ulliri. Ziejmë makaronat 2-3 minuta më pak se zierja e përcaktuar në paketim.

Në një tigan me vaj ulliri kaurdisim mishin e grirë së bashku me qepën e grirë imët, karrotën e prerë hollë dhe hudhrën e shtypur. Pas 3-4 minutash e shuajmë kaurdisjen me verë dhe sapo të avullojë alkooli shtojmë salcën e domates dhe një kokërr domate ku kemi vendosur gozhdët e karafilit dhe proshutën. Ndërkohë përgatisim beshamelin. Qumështin e ftohtë e përziejmë me niseshten dhe e vendosim në proces termik, shtojmë gjalpin dhe vezët më pas. Rregullojmë shijen me kripë, arrë moskat dhe djathë të grirë kaçkavall.

Përziejmë makaronat me kimën e përgatitur dhe një pjesë të beshamelit. E hedhim të gjithë masën në një tavë, e nivelojmë me lugë dhe në fund bëjmë një shtresë të hollë në sipërfaqe me beshamel. E spërkasim pastiçen me djathë të grirë kaçkavall dhe e vendosim të piqet në furrë të nxehtë në 200 gradë Celsius për 45 minuta.

MC/Shqiptarja.com

TAG: