Pasuritë, Bode dhe Ruli investojnë
shuma të mëdha në bono thesari

TIRANE-Ish-Ministri Genc Ruli përgjatë vitit 2014, duket se ka një ulje të ritmit të kursimeve, pasi nuk rezulton të ketë rritje të kontove bankare apo të blejë prona të tjera. Në vitin 2012 Ruli do të deklaronte investime në Bono Thesari që kapin vlerën e 6 050 000 lekë. Në vitin 2013 Bonot e Thesarit prekin shumën e 9.840 mijë lekë, ndërsa në vitin 2014 nuk rezulton të ketë investime në këtë fushë.Ministri i atëhershëm i Financave, Ridvan Bode në deklarimin e pasurisë shton të ardhurat nga paga prej 1 821 819 lekë, të ardhurat nga interesat në Bono Thesari 570 mijë lekë dhe ato nga dhënia e shtëpisë me qira, 2 100 000 lekë. Në llogaritë bankare, Bode deklaron 560 278 lekë, ndërsa gjendja e depozitës në fund të vitit shkon në 2 032 477 lekë. Për vitin 2014-ë, ish kreu i Financave deklaron të ardhura nga paga dhe shpërblime si deputet, 2 420 823 lekë, të ardhura nga bonot e thesarit në Bankën e Shqipërisë, 70 000 lekë si dhe të ardhura nga qiraja, 630 000 lekë.