POP 5

Lajmet më të lexuara të 5 minutave të fundit

Receta

Patëllxhanë furre me mish të grirë dhe salcë të kuqe nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Patëllxhanë furre me mish të grirë dhe salcë të kuqe

Përbërësit:

  • 2 patëllxhanë
  • 1 qepë të grirë
  • 250 gr mish i grirë
  • 1 spec i kuq
  • 1 spec jeshil
  • 2 lgj salcë domate
  • 4 lgj vaj ulliri
  • Vaj për skuqje
  • Kripë, piper i zi
  • Piper i kuq
  • Domate qershi
  • Djathë të grirë

Përgatitja:

Patëllxhanëve u pastrojmë lëkurën një po një jo, i presim në rrethore të trasha dhe i skuqim derisa të zbuten. Pjesën e mesit e ngacmojmë me lugë derisa të bëhet një gropë e vogël.

Në një tigan me pak vaj ulliri kaurdisim mishin e grirë sikurse dhe qepën e grirë hollë. Shtojmë salcën e domates dhe specat të prerë në kubikë. Rregullojmë shijen me kripë, piper të zi dhe piper të kuq. Me kimën e përgatitur mbushim patëllxhanët, sipër mbushjes vendosim domate qershi dhe djathë të grirë. E vendosim tavën me patëllxhanë në furrë në temperaturën 200 gradë Celsius për 30 minuta.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, e kujt është përgjëgjesia?

Lajme të tjera



×

Lajmi i fundit

Qëndresa Qytetare reagon pas arrestimit të Beqaj: Të ndiqet i njëjti standard gjykimi edhe për fondet e IPARD në Bujqësi

Qëndresa Qytetare reagon pas arrestimit të Beqaj: Të ndiqet i njëjti standard gjykimi edhe për fondet e IPARD në Bujqësi

4 Korrik, 12:06