Receta

Patëllxhanë të mbushur me ullinj dhe djathë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 19 Qershor 2023, 11:56 | Përditesimi: 19 Qershor 2023, 11:57

Patëllxhanë të mbushur me ullinj dhe djathë

Përbërësit:

4 patëllxhanë
8 ullinj të zinj
2 açuge në vaj
1 lugë gjelle kaperi
1 thelpi hudhër
100 gr mocarela
Thërrime buke
Djathë pekorino
Majdanoz i freskët
Vaj ulliri

Përgatitja:

LEXO EDHE:
Pulë e mbushur nga zonja Albana

Lajmë patëllxhanët, heqim kërcellin dhe i lëmë për 1 orë në një enë me ujë me kripë për të hequr hidhërimin. Më pas i shpëlajmë dhe i presim përgjysmë përsë gjati. Largojmë pjesën e tulit të qendrës të cilën e kaurdisim në një tigan me pak vaj ulliri dhe një thelpi hudhër. Pas kaurdisjes e hedhim tulin e patëllxhanit në një tas dhe e shtypim me pirun, shtojmë thërrimet e bukës, kaperin, ullinjtë, açugat, mocarelën e prerë në kubikë dhe majdanozin e freskët të grirë. Bëjmë një përzierje me lugë druri dhe me këtë masë mbushim patëllxhanët duke i vendosur në një tavë të lyer me vaj. Në fund bëjmë një spërkatje me djathë pekorino dhe i pjekim në furrë të parangrohur në temperaturën 180°C për 25 minuta.

MC/Shqiptarja.com

TAG: