POP 5

Lajmet më të lexuara të 5 minutave të fundit

Sociale

Patos/ Dyndje në Postë për pensionin dhe bonusin e fundvitit, të moshuarit: Duhen më shumë sportele dhe pika, situatë kaotike!

Vetëm një ditë para ndërrimit të viteve, pensionistët e Patosit janë dyndur në sportelet e Postës, për të tërhequr pensionin dhe bonusin e fundvitit. Ata shprehen tepër të indinjuar për fluksin e krijuar në të vetmen pikë të shpërndarjes së pensioneve, teksa theksojnë se është një situatë e përsëritur

Patos- Vetëm një ditë para ndërrimit të viteve, pensionistët e Patosit janë dyndur në sportelet e Postës, për të tërhequr pensionin dhe bonusin e fundvitit. 

Ata shprehen tepër të indinjuar për fluksin e krijuar në të vetmen pikë të shpërndarjes së pensioneve, teksa theksojnë se është një situatë e përsëritur. 

“Kemi dorëzuar kartat e identitetit prej ditësh dhe ende nuk po mundemi të tërheqim lekët”, thonë të moshuarit, ndërsa shprehen njëherazi se pritja për orë të tëra për ta është e pamundur, sepse mezi qëndrojnë në këmbë. 

“Mund edhe të mos i marr dot lekët, është shprehur një e moshuar, por unë kam fëmijët në emigracion dhe do më ndihmojnë, por të tjerët si do ia dalin të festojnë?” 

Ndërsa një pensionist i ardhur nga Athina pohon se vonesa në tërheqjen e lekëve i ndryshoi tërësisht planet për fundviti. 

“Duhen më shumë sportele ka pohuar ai, pasi një situatë e tillë kaotike është e papranueshme dhe vetëm në Shqipëri ndodh”. 

Ndërkohë, në sportelet e Postës në Patos tërheqin pensionin jo vetëm pensionistët e qytetit, por edhe të fshatrave, ndërsa sipas tyre gjatë këtyre ditëve Posta nuk ka pasur para në dispozicion. 

Përballë kësaj situate ata kanë kërkuar njëzëri jo vetëm shtim të sporteleve , por edhe më shumë pika të tërheqjes së pensioneve.

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Shqipëri-Mali i Zi/ Fluks i lartë në pikën kufitare të Muriqanit, rreth 11 mijë persona në hyrje-dalje për dy ditë! Rriten sportelet

Shqipëri-Mali i Zi/ Fluks i lartë në pikën kufitare të Muriqanit, rreth 11 mijë persona në hyrje-dalje për dy ditë! Rriten sportelet

2 Janar, 13:37 nga Ergys Kavaja