POP 5

Lajmet më të lexuara të 5 minutave të fundit

Politikë

Patozi, Bregu dhe Ruli nuk i 
binden Bashës, nuk zhurmojnë

Tre deputetë demokratë vepruan dje ndryshe nga ç’i kishte urdhëruar Lulzim Basha në mbledhjen e grupit parlamentar për të bllokuar foltoren e Kuvendit duke penguar vijimin e seancës ditën e djeshme.  VIDEO
Patozi, Bregu dhe Ruli nuk i <br />binden Bashës, nuk zhurmojnë
TIRANË - Tre deputetë demokratë vepruan dje ndryshe nga ç’i kishte urdhëruar Lulzim Basha në mbledhjen e grupit parlamentar për të bllokuar foltoren e Kuvendit duke penguar vijimin e seancës ditën e djeshme. Astrit Patozi, Majlinda Bregu dhe Genc Ruli e thyen këtë urdhër, duke mos bërë zhurmuesin në seancë. Kur opozita vendosi të bllokojë foltoren, Majlinda Bregu dhe Astrit Patozi dolën nga salla dhe qëndruan për një pjesë të kohës në lozhën e parlamentit, duke ndjekur nga lart veprimtarinë e kolegëve të tyre.

Genc Ruli u largua fare nga salla, teksa dy aleatët, Fatmir Mediu dhe Agron Duka nuk denjuan të bashkohen me demokratët, dhe më pas edhe ata u larguan nga salla plenare. Si përherë, Sali Berisha nuk u bë pjesë e bllokimit fizik të foltores së kuvendit. Kur deputetët demokratë qëndruan rreth podiumit, kësaj radhe pa nivelin e zhurmës së javës së shkuar, Berisha zgjodhi përsëri tabletin e tij për të vrarë kohën. Ishte kreu i grupit paralmentar Edi Paloka ishte i pari që mori fjalën në Kuvend. Ai renditi të gjitha arsyet pse ky Kuvend nuk funksionon sipas opozitës. Paloka tha se qeveria u përpoq të mbante të fshehura mesazhet e komisionerit Hahn, gjatë vizitës së tij në Tiranë.

“4 janë mesazhet kryesore që dha në Tiranë, përfaqësuesi i lartë i Bashkimit Europian. E para ai kërkoi zbatimin e vendimeve të Gjykatës Kushtetuese. Sipas demokratit, Hahn kërkoi gjithashtu nisjen e zbatimit pa vonesë të ligjit të dekriminalizimit. Komisioneri për zgjerimin ka kërkuar po ashtu të punohet për të siguruar zgjedhje të lira e të ndershme. Dhe, një mesazh tjetër i qartë dhe i rëndësishëm, sipas PD është se Hahn ka kërkuar dialog politik mes pozitës dhe opozitës për reformën në drejtësi”-tha kreu i grupit demokrat.

Paloka tha se edhe komisionerin Rama ka tentuar ta mashtrojë për kërkesën e opozitës për mandatet. "Para se të fillojë seanca dua të bëj të qartë edhe njëherë pozicionin e opozitës dhe të paraqes arsyet pse parlamenti vazhdon të mos funksionojë Sy më sy dje Rama kërkojë të mashtrojë komisionerin Hahns se vendimin e Gjykatës kushtetuese për kërkesën e opozitës për mandatet. Komisioneri foli dje qartë për çështjet që janë në interes të qytetarëve. Qeveria u përpoq t'i shtrembërojnë kërkesat e Hahn.

Shqiptarët dëgjuan qartë se ne duhet të zbatojë vendimet e Gjykatës Kushtetuese të zbatojë dekriminalizimin të krijojë kushte për zgjedhje të lira e të ndershme dhe dialog për reformën në drejtësi. Mazhoranca e ka çuar vendin ën krizë kushtetuese. A ka cinizëm më të madh se prapë të akuzosh opozitën për krizën që shkakton opozita. Përhap fjalën se opozita po vendos kushte. Ne nuk vëmë kushte, ishte Rama që dikur i vendoste kushtet. Vendimet e Gjykatës kushtetuese janë kushtet.

Nuk jemi ne që kërkojmë mandatet kërkojmë zbatimin e vendimeve të Gjykatës. Ne jemi të shqetësuar për zbatimin e tyre. A ka hipokrizi që në kushtet e kësaj krize të flasësh për drejtësi kur Rama bllokon vendimet. Ky që u përpoq të mashtrojë Hahn se do çojë për interpretim në Kushtetuese. Si mund ta çosh për interpretim të kushtetuese në Gjykatën Kushtetuese",-tha Paloka.

Redaksia Online
(E.Ç./Shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

24 Dhjetor, 19:15