Paul Pogba, mesfushori francez i Juventusit është dënuar me 4 vite pezullim nga çdo aktivitet sportiv pasi rezultoi pozitiv me doping. Kërkesa e Prokurorisë Antidoping u pranua pasi futbollisti rezultoi pozitiv për testosteron pas ndeshjes Udinese - Juventus më 20 gusht 2023. Ndeshje në të cilën mesfushori nuk mori minuta, duke qëndruar në stol deri në fërshëllimën e fundit; një detaj thelbësor që shmang dëmtimin e mëtejshëm të skuadrës
Gati 31 vjeç (do të mbushë më 15 mars), karriera e francezit duket e destinuar të përfundojë këtu. Prokuroria nuk e besoi versionin e mbrojtjes për marrjen aksidentale të substancës. Pika kyçe për avokatët e Pogba, të cilët kishin refuzuar marrëveshjen për pranimin e fajësisë.
Kundër-analiza e mëvonshme konfirmoi rezultatin e gjetjeve të para dhe gjurmët e testosteronit që e futën në telashe. Për Pogba dënimi është fatal, duke pasur parasysh periudhën e gjatë të pezullimit që po përballet në karrierën e tij.
Me 31 vite mbi super dhe katër vite pezullim, duket se Pogba i ka dhënë fund karrierës në fushën e lojës.
Pas skualifikimit katër vjeçar të dhënë nga Gjykata Kombëtare Anti-Doping pas testit pozitiv të testosteronit të gjetur më 20 gushtin e kaluar pas ndeshjes Udinese- Juventus, Paul Pogba shkoi në mediat sociale për të komentuar vendimin. Mesfushori francez shprehu gjithë hidhërimin dhe bëri thirrjen e tij.
"Sot u informova për vendimin e Gjykatës Kombëtare Antidoping dhe besoj se vendimi është i gabuar. Jam i trishtuar, i tronditur dhe i zemëruar sepse gjithçka kam ndërtuar në karrierën time si lojtar profesionist, më është hequr.
Kur të jem i lirë nga kufizimet ligjore, e gjithë historia do të bëhet e qartë, por kurrë nuk kam marrë me vetëdije apo qëllimisht ndonjë suplement që shkel rregullat antidoping.
Si profesionist unë kurrë nuk do të bëja asgjë për të përmirësuar performancën time duke përdorur substanca të ndaluara dhe kurrë nuk kam mashtruar sportistët dhe mbështetësit e tjerë të ndonjë prej skuadrave me të cilat kam luajtur ose jam përballur. Pas vendimit të shpallur sot do të apeloj në Gjykatën e Arbitrazhit për Sport", njofton Pogba.
Lajme të tjera
-
Sot kundër Juventusit, Fonseca: Ne jemi Milani, fitojmë! Motta: Na duhet një ndeshje e madhe
23 Nëntor, 16:13 -
Napoli parakalon Juventusin, në Itali e bëjnë të sigurt: Ardian Ismajli ka akord me të kaltrit
22 Nëntor, 15:39 -
Kristjan Asllani pret edhe një shans nga Interi, më pas në diskutim e ardhmja! Projektohet nga minuta e parë
22 Nëntor, 13:30 -
Sylvinho 's'e ka parë' ende, Fiorentina ofron 10 milionë euro për Cristian Shpendin
22 Nëntor, 11:11 -
Ish-mesfushori i Interit, Guarin flet për luftën me alkoolin: Piva 70 birra në një natë, kam tentuar vetëvrasjen
21 Nëntor, 15:21 -
Serie A/ Stadiumi 'sold-out' për Milan - Juve! Dëmtohet Vlahovic, për kuqezinjtë ka rikthime
21 Nëntor, 12:01 -
Buffon: Po, kam vendosur baste! Kurrë për Juven dhe Italinë
21 Nëntor, 10:25 -
Ardian Ismajli magjeps Conten, Napoli 'sparkatë' Juventusit për mbrojtësin e Kombëtares
21 Nëntor, 08:56 -
Zyrtare/ Vieira trajneri i ri i Genoas, tifozët i dalin kundër! Në ekip ka ‘uraganin’ Balotelli
20 Nëntor, 22:58 -
Asllani i dërgon 'sms' Inzaghit: Gati të zëvendësoj Calhanoglu, jam 22 vjeç dhe ndihem i rritur
20 Nëntor, 21:31 -
Pjesë e Lazios në Serie A, Dia infektohet me malarie gjatë stërvitjes me Senegalin
15 Nëntor, 15:28 -
Dramë për Juventusin, Juan Cabal mbyll sezonin
14 Nëntor, 15:26
