Pavarësisht Covid, Turqia deklaron të hapur sezonin turistik…Ja kur fillojnë fluturimet ndërkombëtare

Ankaraja zyrtare ka deklaruar se do të hap sa më shpejt sezonin turistik. Autoritetet shpresojnë të joshin turistët me vendosjen e standardeve të larta të sigurisë

Duke filluar nga mesi i qershorit, sipas autoriteteve do të lejohen fluturimet ndërkombëtare.

Ministria e Turizimit e argumenton planin e hapjes me faktin, se Turqia e ka nën kontroll krizën e shkaktuar nga pandemia.

Turqia është ndër destinacionet më të preferuara turistike për miliona pushues të huaj.

Por pandemia e koronavirusite ka paralizuar tani këtë sektor.

Që pas ndalimit të fluturimeve në mars dega e turizmit në Turqi ka pasur humbje të mëdha sipas Entit turk të statistikave (TÜIK).

Krahasuar me një vit më parë rënia në prenotimet e hoteleve ka qenë me 55,2 përqind.

Për këtë arsye qeveria turke e ka tani me ngut: Ankara do që sa më shpejt të jetë e mundur të shfuqizojë kufizimet për udhëtime, në mënyrë që sezoni turisitik 2020 të nisë me përpikmëri për të pritur turistët në plazhet turke.

TAG:
• turqi
• stamboll
• covid
• Fluturimet ndërkombëtare