PD:Afera e Ramës me Skavicën,ja
pyetjet për të cilat duhet përgjigje

Sekretarja për Marrëdhëniet me Publikun në Partinë Demokratike, Grida Duma në një dalje për mediat ka shtuar disa pyetje për Kryeministrin evendit, sa i takon çështjes së hidrocentralit të Skavicës.
 
Duma ka thënë se ky projekt i është dhën një kompanie turke, megjithatë ka pyetur se kur ky projekt u dha? pse e mbajti të fshehur këtë fakt qeveria? kush janë zyrtarët e përfshirë? dhe përse këtëfakt e ka bërë të duitur kompania e jo qeveria jonë?
 
Po ashtu, ajo ka pyetur edhe për faktin nëse kompania turke është apo jo e dyshimtë për aktivitetine  saj?
 
Ja deklarata e plotë e Grida Dumës
Skavica, projekti më i madh energjetik në vend, është gjithashtu një nga pazaret dhe aktet korruptive më të mëdha të Edi Ramës.
Partia Demokratike e denoncoi këtë aferë të Edi Ramës, ditën kur ai shkoi në Turqi dhe bëri bisedimet private, sekrete.
Atëkohë, qeveria e mohoi, por më vonë, Arben Ahmetaj e pranoi në ekran aferën e Ramës, me krenari madje si bum investimi.
Arben Ahmetaj në ekran;
Janë disa pyetje që kanë sot qytetarët dhe opinioni publik;
Kur qeveria e mori vendimin me 23 dhjetor, tia japë skavicën firmës turke, pa garë, pa transparencë, përse e mbajti të fshehur dhe e shpalli me 7 janar?
Kush janë zyrtarët e tjerë të qeverisë, që kanë vijuar negociatat sekrete të Edi Ramës me kompaninë turke?
Përse vendimin e shpall kompania turke, përpara se sa ta bëjë publike qeveria shqiptare?
Dhe, a është firma e përzgjedhur nga Edi Rama, në listën e zezë për shkak të aktiviteteve të saj të dyshimta, e shpallur si e tillë nga autoritetet turke dhe ndërkombëtare?
Partia Demokratike do të bëjë transparencë deri në fund, për një nga pazaret më të mëdha të Edi Ramës me pasurinë e vendit.
Shqiptarët meritojnë transparencë, dhe Edi Ramës e pazareve të tij kanë për ti dhënë përgjigjen e merituar.


Redaksia Online
(F.T/shqiptarja.com)