POP 5

Lajmet më të lexuara të 5 minutave të fundit

Politikë

PD, Bogdani: PS fsheh planin për
rritjen e taksave, ne i kemi ulur ato

Pas akuzave të bëra nga PS për situatën ekonomike në vend dhe vështirësitë për biznesin, ka reaguar edhe selia blu. Deputeti i PD Gerti Bogdani, në një dalje për mediat ka përmendur lehtësirat që qeveria ka bërë në 8 vite për biznesin, duke akuzuar PS-në se synon të rrisë taksat.
PD, Bogdani: PS fsheh planin për<br />rritjen e taksave, ne i kemi ulur ato
TIRANE- Pas akuzave të bëra nga Partia Socialiste për situatën ekonomike në vend dhe vështirësitë për biznesin, ka reaguar edhe selia blu. Deputeti i Partisë Demokratike Gerti Bogdani, në një dalje për mediat ka përmendur lehtësirat që qeveria ka bërë në 8 vite për biznesin, duke akuzuar PS-në se synon të rrisë taksat.

“Qytetarët e kuptojnë se Rama po përpiqet të fshehë planin e tij të rrezikshëm për rritjen e taksave, i cili do të krijonte papunësi duke u bërë kështu macja e zezë e biznesit. Qytetarët e dinë se meritojnë më mirë se Edi Rama. Prandaj Sali Berisha dhe Partia Demokratike kanë një qasje ndryshe me rezultate konkrete. Taksa të ulëta dhe klimë më të mirë për të hapur, operuar dhe rritur bizneset në mënyrë që ato të punësojnë më shumë punëtorë. Ne kemi shkurtuar kohën e regjistrimit të biznesit, nga 40 ditë në një ore kemi hequr 2/3 e licencave.”, theksoi Bogdani.

Duke vënë theksin në arritjet e qeverisë në vitet e fundit Bogdani tha se rritja e investimeve të huaja në vend synon të krijojë sa më shumë vende pune.

“Shqipëria sot renditet vendi i 18-të më i mirë për investimet e huaja. Vetëm dy javë më parë Komisioni Evropian vlerëson Shqipërinë si një nga 4 vendet në Europë me rritje ekonomike dhe këto ditë Banka Europiane për Zhvillim dhe Rindërtim në raportin e saj thekson se: ” Shqipëria këtë vit do ketë rritje më të madhe ekonomike se sa vitin e kaluar”., u shpreh deputeti i PD-së.

Po kështu, duke iu bazuar raportit të Komisionit Europian, Bogdani deklaroi se “Shqipëria jo vetëm nuk pati rritje, por pati një ulje te qartë te papunësisë. Banka e Shqipërisë tre ditë më parë në raportin e saj pohon se, gjatë vitit 2012 në Shqipëri pati ulje të papunësisë .”

Ndër të tjera Bogdani theksoi se rritja e nivelit të punësimit në vend dhe krijimi i një klime të favorshme për biznesit, renditen ndër objektivat kryesore të Partisë Demokratike.


Redaksia Online
(e.s/shqiptarja,com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Liverpool dhe Real Madrid ndeshen sot në Champions League, Slot: Janë ekip për t’u marrë shembull! Ancelotti: Përballen dy klube historike

Liverpool dhe Real Madrid ndeshen sot në Champions League, Slot: Janë ekip për t’u marrë shembull! Ancelotti: Përballen dy klube historike

27 Nëntor, 15:30