PD çon kërkesën për regjistrim në KQZ, Patozi: Urime Lulzim, i vure demokratët të mbledhin firma sikur po themelonin partinë e tyre nga e para

Kreu i Bindjes Demokratike Astrit Patozi ka reaguar me ironi për mbledhjen e firmave dhe kërkesën e dërguar në KQZ për regjistrimin e PD në zgjedhjet e 25 prillit duke thënë se për shkak të djegies së mandateve dhe largimit nga Kuvendi. Patozi shkruan se Basha i trajtoi demokratët sikur të ishin duke themeluar nga e para partinë e tyre.

Patozi ka kujtuar edhe akuzat e bëra nga PD në kohën që Bindja Demokratike para dy vitesh po bëhej parti re politike duke e sulmuar dhe madje duke kërkuar verifikimi  e 5 mijë firmave që duheshin për regjistrimin e saj në KQZ.

"Urime Lulzim, që e paske regjistruar partinë në zgjedhje! Nuk thonë kot që bota është portokall.Përpara dy vjetësh u shqetësove shumë për firmat tona dhe nuk le gur pa lëvizur, duke përndjekur çdo person, që na mbështeti të krijonim Bindjen Demokratike.Por ne nuk kishim mundësi tjetër për t’u futur në zgjedhje dhe ishim të detyruar ta bënim atë punë.

Problemi është se ti sot i ke vënë demokratët të mbledhin firma, sikur po e themelojnë partinë e tyre nga e para. Sepse, koka bën, koka pëson Lulzim, sidomos në politikë.

Nejse, rëndësi ka që sot je regjistruar. Dhe rri i qetë se ne nuk do të merremi me verifikimin e firmave të tua, edhe sikur ta dimë se i ke plotësuar të gjitha tek ato qendrat e famshme të Rrugës së Kavajës.Jo thjesht se nuk kemi gjë me ty dhe me çdo parti tjetër shqiptare, që do të garojë më 25 prill. Por mbi të gjitha se mendojmë se zgjedhjet nuk janë si shkollë nate, një ditë po, e një ditë jo. Ato janë gjithmonë një çështje shumë serioze", shkruan Patozi

Gjatë ditës së sotme PD depozitoi në KQZ-së kërkesën për regjistrimin e partisë në zgjedhjet e 25 prillit.  

I.K./Shqiptarja.com
  • Sondazhi i ditës:

    Turizmi/A jeni të kënaqur me shërbimet dhe çmimet që gjeni në zonat turistike?

Komento


×

Lajmi i fundit

John

Kryeministri kroat pas vizitës në spital: Do të mbulojmë të gjitha kostot për të lënduarit