POP 5

Lajmet më të lexuara të 5 minutave të fundit

Politikë

PD denoncon: Në Pukë u zbulua parcelë kanabisi, ndaluan një polic, por e liruan se është kushëri i kryebashkiakut të Fushë-Arrëzit

Partia Demokratike ka denoncuar se një oficer i policisë gjyqësore në Pukë është kapur me parcelë kanabis por ndaj tij nuk po merret asnjë masë pasi është kushëri i kryebashkiakut të Fushë-Arrëzit.

PD denoncon: Në Pukë u zbulua parcelë kanabisi, ndaluan një polic, por e liruan se është kushëri i kryebashkiakut të Fushë-Arrëzit

Foto ilustruese

Partia Demokratike ka denoncuar se një oficer i policisë gjyqësore në Pukë është kapur me parcelë kanabis por ndaj tij nuk po merret asnjë masë pasi është kushëri i kryebashkiakut të Fushë-Arrëzit. PD shkruan se RENEA ka zbuluar një parcelë me kanabis në zonën e Pukës, dhe sipas PD është ndaluar oficeri i policisë gjyqësore Kastriot Bicukaj. Sipas PD kjo çështje duhej t'i kalonte SPAK, por ky oficer është lënë i lirë pasi është kushëri i Fran Tucit, kryetar i bashkisë së Fushë-Arrëzit.

"Ndarja e politikës nga krimi dhe lufta ndaj trafikut të drogës, që cenon rendin dhe sigurinë, është mision i Partisë Demokratike. Në këtë përballje nuk jemi vetëm, por kemi mbështetjen e qytetarëve dhe policëve të ndershëm, që ndihen të braktisur nga regjimi që bashkëpunon me krimin. I tillë është denoncimi që na ka ardhur sot mbi ndërhyrjen e forcave RENEA në zonën e Pukës. Operacioni ka zbuluar një parcelë të madhe të mbjellur me kanabis, në kuadër të po këtij operacioni është ndaluar oficeri i policisë gjyqësore Kastriot Bicukaj. Kjo çështje duhet t’i kalonte menjëherë SPAK, por oficeri është lënë i lirë duke e kaluar çështjen pranë Prokurorisë së Pukës, falë mbrojtjes politike që ai gëzon prej kushëririt të tij Fran Tuci, kryetar i bashkisë së Fushë-Arrëzit", thuhet në njoftimin e PD.

Partia Demokratike shkruan se ky rast nuk është bërë publik nga Policia e Shtetit,  i bën thirrje SPAK të nis hetimet për rastin e Pukës.

"Ky operacion, i cili nuk është bërë ende publik nga Policia e Shtetit, dëshmon edhe njëherë se kanabisi është ende një çështje në duart e atyre që e kthyen Shqipërinë në Kolumbinë e Europës dhe se askush nuk ndalohet nëse pas rrënjëve të bimës narkotike shfaqen persona të lidhur me partinë-shtet. Vendi ynë renditet nga Organizata e Kombeve të Bashkuara si i pari në Europë për prodhimin e kanabisit, pikërisht prej vullnetit politik që e kthen kanabisin në një ndërrmarrje të përbashkët midis krimit dhe partisë në pushtet, ndërsa policinë e shndërron në mbrojtëse të parcelave, apo siç dëshmon hetimi i Antimafies Italiane, duke i përdorur forcat e rendit si punëtorë krahu për ngarkimin e gomoneve me drogë. Prej vitesh Partia Demokratike ka denoncuar me fakte modelin e bashkëpunimit me krimin të ndërtuar nga Edi Rama. Koha na ka dhënë gjithmonë të drejtë, prandaj nuk duhet pritur që detyrën e institucioneve shqiptare ta kryejnë partnerët ndërkombëtarë, por është detyra e SPAK të marrë në dorë këtë hetim të penguar nga partia në pushtet. Çrrënjosja e krimit dhe korrupsionit kërkon një drejtësi reaguese, të gatshme t’u kthej besimin qytetarëve dhe policëve të ndershëm që pengohen në kryerjen e detyrës së tyre", shkruan PD.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05