Partia Demokratike do të ngrejë padi kundrejt Gjergj Lucës për shkelje të ligjit dhe punësim të minorenëve. Padia vjen pas një videoje të postuar nga vetë biznesmeni ku disa fëmijë, të cilët shprehen se janë 14-15 vjeç, punojnë në një kantier ndërtimi.

Sipas PD, fëmijët përdoren “jo vetëm në shkelje të ligjit, jo vetëm në shfrytëzim dhe në kushte të vështira, por edhe si mjet propagande.”

“Partia Demokratike dënon, jo vetëm përdorimin e fëmijëve si material propagandistik, por sidomos përdorimin e tyre për punë të rënda, në kundërshtim me ligjin”, thuhet në deklaratën zyrtare.

Në fund, bëhet thirrje për vijimin e protestës për Zvërnecin sepse “Rama duhet të largohet”, teksa shpreh edhe mbështetje ndaj qytetarëve.

Reagimi:

“Disa pamje antiligjore, çnjerëzore dhe me shije të ulët, përcjellë dhe denoncuar me guxim nga aktivistja Haris Vongli, dëshmojnë edhe njëherë se deri ku, Rama dhe karvani i tij arrijnë për të ruajtur pushtetin dhe privilegjet.

Në këtë video shihen fëmijë, 14 dhe 15 vjeçarë, që punojnë në ndërtim, në themelet e një tjetër ndërmarrjeje të Gjergj Lucës, siguruar me firmën e kryeministrit, të cilit Luca i thur lavde dhe e shpall si ‘fenë’ e tij.

Këta fëmijë që punojnë në piskun e vapës paraqiten nga Luca si shembull për të rinjtë që protestojnë në sheshet e Tiranës kundër regjimit të padronit të tij.

Ata përdoren jo vetëm në shkelje të ligjit, jo vetëm në shfrytëzim dhe në kushte të vështira, por edhe si mjet propagande. Për të thënë se, shihi si punojnë shqiptarët, dhe si këta duhet të bëjnë edhe ata që janë ngritur kundër Ramës.

Pra të ulin kokën, të mbyllin gojën.

Partia Demokratike dënon, jo vetëm përdorimin e fëmijëve si material propagandistik, por sidomos përdorimin e tyre për punë të rënda, në kundërshtim me ligjin.

Për këtë arsye ne nuk do të ndalemi vetëm te ky denoncim, por do të paraqesim padi në Prokurori për shkelje të ligjit dhe punësim të minorenëve.

Gjergj Luca vepron ashtu, sepse mendon se mbrohet nga Rama dhe është mbi ligjin.

Protestat qytetare, në Tiranë, në të gjithë Shqipërinë dhe në Diasporë bëhen pikërisht kundër kësaj: askush nuk mund të jetë mbi ligjin dhe të gjithë ata që kanë vepruar kundër tij dhe mbi të, duhet të përgjigjen.

Më së pari duke lënë pushtetin dhe privilegjet dhe duke hequr këmbën nga qafa e të tjerëve.

Kjo video është shembull se pse protestat duhet të vijojnë, pse Rama duhet të largohet, dhe pse Partia Demokratike i mbështet qytetarët në kërkesat dhe lëvizjen e tyre!”, përfundon deklarata.

Avokati i Popullit ka kërkuar inspektimin e subjektit të Lucës dhe marrjen e masave për mbrojtjen e fëmijëve të përfshirë nga Inspektorati Shtetëror i Punës dhe Agjencia Shtetërore për të Drejtat dhe Mbrojtjen e Fëmijës. Gjithashtu është shprehur se do të monitorojë nëse janë përmbushur detyrimet ligjore.

P.J/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Komentues: 15/06/2026 19:38

    Gjergj LLuca

    Përgjigju
  • Ygffjj: 15/06/2026 18:34

    Po ju i perdorni te sulmojne policine me arem luftarake.

    Përgjigju
  • Sondazhi i ditës: 14 Qershor, 23:52

    Jeni dakord me bllokimin e autostradës Tiranë-Durrës nga protestuesit?

Lajme të tjera