PD: Donald Lu bojkotoi Gramoz
Ruçin, SHBA i ka ndaluar hyrjen 

Deputetja e PD, Grida Duma e konsideron si kurdisje rrjedhjen e votave nga PD për të larguar vëmendjen e opinionit nga fakti që për herë të parë qeveria amerikane ka bojkotuar çeljen e punimeve të Kuvendit të Shqipërisë.
 
Sipas saj kjo ka ndodhur për shkak se në krye të Kuvendit u vendos një njeri të cilin qeveria amerikane e ka ndaluar përjetësisht të hyjë në SHBA prej lidhjeve me krimin dhe trafiqet.
 
“Kurdisja e historisë me vota gjoja të rrjedhura është një intrigë e vogël për te larguar vëmendjen e opinionit nga fakti që për herë të parë qeveria amerikane ka bojkotuar çeljen e punimeve të Kuvendit të Shqipërisë për shkak se në krye të tij u vendos një njeri të cilin qeveria amerikane e ka ndaluar përjetësisht të hyjë në SHBA prej lidhjeve me krimin dhe trafiqet.
 
Edi Rama dhe ata që i mbajnë ison për çfarëdo interesi dhe motivi, as nuk e ndikojnë fare Partinë Demokratike dhe kauzat e saj” thotë Duma.
 
Ruci u zgjodh sot me 80 vota, 2 nga të cilat ishin nga PD.


dy.b/shqiptarja.com