DURRËS- Partia Demokratike akuzon kryebashkiakn e Durrësit se po përdor fondet e tërmetit për të manipuluar votat për zgjedhjet vendore. Sekretarja për marrëdhëniet me publikun, Jola Hysaj thotë se kryebashkiaka Emirajana Sako ka alokuar fondet për dhjetëra pallate dhe banesa individuale që janë dëmtuar nga tërmeti i 26 nëntorit. Sipas Hyajt kjo është e qartë që po bëhet për orientuar votën.
Në deklaratën për mediat, Hysaj thotë se ndalohet që fondet të ndahen në favor të zgjedhësve 4 muaj para zgjedhjeve. Ndërkohë, Hysaj thotë se Rama gënjën që procesi i rëndërtimit është menaxhuar me sukses kur ka ende familja që jetojnë në çadra apo me qira prej tre vjetësh.
ndarjen e fondeve publike në favor të zgjedhësve për një periudhë kohore prej 4 muaj para zgjedhjeve
DEKLARATË E SEKRETARES PËR MARRËDHËNIE ME PUBLIKUN, JOLA HYSAJ
Këshilli Bashkiak i Durrësit është mbledhur disa herë jashtë radhe gjatë 2 javëve të kaluara dhe, më në fund, dje ka marrë jo 1, por 7 vendime. Të gjitha kanë të bëjnë me procesin e rindërtimit në qytetin e Durrësit dhe zonën përreth. Janë alokuar fondet për dhjetëra pallate dhe banesa individuale, të dëmtuara nga tërmeti i 26 nëntorit 2019.
Në pamje të parë ky ngjan një lajm i mirë dhe dikush mund të thotë ‘ja, më në fund, opozita po thotë një fjalë të mirë për punët e qeverisë’! Do donim të gjithë të ishte ashtu, por fatkeqësisht qeveria dhe bashkitë e saj nuk bëjnë asnjë punë, e cila nuk fut para në xhepat e tyre dhe nuk u lejon që ta kthejnë në propagandë televizive.
Dhe ja ku e keni shembullin. A nuk e keni dëgjuar me qindra herë prej Kryeministrit dhe mëkëmbësve të tij në Durrës se qeveria e ka menaxhuar me sukses tërmetin, se procesi i rindërtimit është mbyllur, se qytetarët kanë marrë të gjithë shtëpi, edhe më të mira e të bukura se më pare… etj etj? A nuk e keni parë z. Rama nga Thumana në Bubq e nga Laçi në Durrës të inaugurojë blloqe të reja banimi?
Nëse nuk ju kanë bërë as sytë dhe as veshët, pse Bashkisë Durrës, 3 vjet e 3 muaj pas 26 nëntorit shpall se ka miratuar fonde për banesat e qindra familjeve? Kjo do të thotë se këta njerëz, o kanë qenë në çadra, ose në hotele ose pastrehë. Kjo do të thotë gjithashtu se procesi i rindërtimit nuk është mbyllur dhe Rama e Sako kanë gënjyer si derr.
Me këtë ritëm familjeve që u janë alokuar fondet në shkurt 2023 do të hyjnë në shtëpitë e reja pas një viti apo 2, pra katër apo vjet nga tërmeti i 2019. Një fakt tjetër për të cilin duam t’u tërheqim vëmendjen qytetarëve, ka të bëjë me kohën kur alokohen këto fonde. Pse ndodh, si në një kalendar të pagabueshëm, që nuk ka të bëjë me rastësinë që fondet e tërmetit ndahen gjatë fushatave elektorale?
Të gjithë e dinë pse? Specialistat, patronazhistat dhe aktivistat e PS dhe bashkisë Durrës, i trajtojnë fondet e rindërtimit si të ishin favore që partia u bën të dëmtuarve, dhe jo si para’ të arkës së shtetit. Në një përpjekje të qartë për të devijuar dhe manipuluar votën.
Duke zvarritur procesin dhe fondet qe akordohen, Kryebashkiakja e Durrësit pret zgjedhjet që të miratojë grantet dhe listat e përfituesve, duke shkelur Kodin zgjedhor. Neni 91 paragrafi 4 ndalon ndarjen e fondeve publike në favor të zgjedhësve për një periudhë kohore prej 4 muaj para zgjedhjeve.
Komisioni Shtetëror i Zgjedhjeve e ka gjobitur dhe në zgjedhjet e kaluara Emirjana Sakon për shkelje të tilla. Halli i Sakos del mbi ligjin këtë rast, edhe pse është përsëritëse në shkelje, ajo përdor të njëjtat mënyra të cilat janë denoncuar nga PD, shoqëria civile dhe OSBE/ ODIHR.
Lajme të tjera
-
‘Unë mund të vdes! Djalin e kam me epilepsi’, thirrja e të moshuarit në Lezhë që ka mbetur në kasolle 5 vite pas tërmetit
26 Nëntor, 17:00
-
5 vite nga tërmeti vendi ende në rindërtim! Janë dorëzuar 11,663 banesa e apartamente, kostoja në buxhet arrin 920 mln euro
26 Nëntor, 16:39
-
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
Durrës/ Makineria e duraluminit i mori jetën punëtorit 50-vjeçar, arestohen dy përgjegjisit tek 'Pespa Alumin' (EMRAT)
26 Nëntor, 12:10 -
GJKKO dënon me 2 vite dhe 8 muaj burg Vangjush Dakon, ish-kryebashkiaku i Durrësit mungoi në seancë! Pezullohet dënimi për 3 të tjerët (VENDIMI)
25 Nëntor, 16:44 -
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Durrës/ U dëmtua nga një makineri gjatë punës, ndërron jetë 50 vjeçari (EMRI)
25 Nëntor, 14:11 -
Durrës/ Lëvizte me kanabis në makinë gati për shitje, në pranga 22 vjeçari
25 Nëntor, 11:34 -
Durrës/ Aksident në hyrje të autostradës, vetura ‘Seat’ del me shpejtësi nga rruga dhe bie në kanalin e ujërave të zeza! Shpëtojnë 3 të rinjtë (VIDEO)
24 Nëntor, 22:29 -
Durrës/ Plagosje me thikë në lagjen nr.4! Kapen dy vëllezërit, 32 vjeçari dërgohet në spital (EMRAT)
23 Nëntor, 20:19 -
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Moti i keq, rrethi i Krujës pa drita! 6000 banorë mbeten në terr
22 Nëntor, 18:38
