POP 5

Lajmet më të lexuara të 5 minutave të fundit

Politikë

PD harron ‘luftën e brendshme’, beteja në komisionet parlamentare me PS

Lufta e brendshme nuk i ka penguar deputetët e partisë Demokratike që ta përqendrojnë punën e komisioneve parlamentare, në akuzat kundër qeverisë. Në komisionin hetimor për inceneratorët, ata kërkuan arrestimin e zyrtarëve të lartë për përfshirje në këtë aferë.

Pavarësisht ndasive brenda familjes politike, në komisionet parlamentare, PD e përqëndroi betejën e saj kundër socialistëve.

Deputetët e rreshtuar krah Berishës nuk munguan, ndërsa pa hatërmbetje u dukën me kolegët që mbështesin Lulzim Bashën.

Në komisionin e ligjeve Oerd Bylykbashi,i cili deri në seancën e shkuar mbante postin e nënkryetarit, nuk ngurroi të kërkonte ndihmën e zëvendësueses së tij, Dhurata Çupit kur po fliste për shembjet te 5 maji.

Edhe në komisionin hetimor për inceneratorët, demokratët kërkuan që problemet e brendshme, të mos përdoren nga kundërshtarët politikë.

Ndërkohë ky komision shënoi edhe përplasjet më të ashpra me socialistët, pasi PD iu rikthye thirrjes se, bashkë me ish-ministrin Lefter Koka të arrestohen edhe zyrtarë të qeverisë, që sipas tyre janë përgjegjës për aferën e inceneratorëve.

Nuk gjetën dakordësinë e deputetëve socialistë, të cilët refuzuan zgjatjen e afatit të funksionimit të këtij komisioni hetimor.

Ndërkohë komisioni i Edukimit, mbeti i pandryshuar edhe për pak kohë nga përbërja e tij, pasi kryetarja e re Flutura Açka, e cila zëvendëson Gjekmarkajn, duhet të marrë votimin e parlamentit së bashku me Grida Dumën që do të zevendësojë në Komisionin e Shëndetësisë Albana Vokshin, e përjashtuar nga grupi parlamentar i Partisë Demokratike.  

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Normale !: 20/01/2022 08:47

    Normale , jeta vazhdon , i gjalli me të gjallët !

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armë mbajtje pa leje, arrestohet 28-vjeçari në Shkodër, në pranga edhe personi që e ndihmonte

Shkodër/ Në kërkim për armë mbajtje pa leje, arrestohet 28-vjeçari në Shkodër, në pranga edhe personi që e ndihmonte

24 Nëntor, 10:09