Një zyrtar i Partisë Demokratike, Gazment Bardhi ka bojkotuar mbrëmjen e djeshme emisionin 'Provokacja' të Mustafa Nanos, por kjo gjë nuk e ka prekur moderatorin. Kohën televizive ai e ka mbushur me mesazhet e shkëmbyera me ish0gazetaren që drejton tashëm zyrën e shtypit të Partisë Demokratike, Elona Meçon,

Nano thotë se drejtoresha e zyrës së shtypit në PD, Elona Meço, i kishte dërguar bashkëpunëtores së gazetarit mesazhin e bojkotit me këtë tekst:

 ‘Na duket krejt e pavend që të bëjmë sikur nuk e dimë që drejtuesi i emisionit Provokacija në shumicën e rasteve në qëndrimet që mban, nuk thotë të vërtetën për PD dhe nuk shohim arsye pse të kontribuojmë në emisionin e tij’, lexoi Nano mesazhin e Meços.

Më tej, gazetari tha se i fton politikanët për të ngjyrosur pak programin duke shtuar se nuk kanë në dorë asgjë me bojkotimin e emisionit.

Ai nuk i kurseu talljet me ish-gazetaren duke e quajtur bibë, ndërsa politikanët i fton të ngjyrosin disi emisionin, pasi me bojkot nuk i prishin aspak punë.

“Unë jam kritik i PD, kjo është e vërteta sipas meje. Ky është thjesht një qëndrim i imi dhe duhet të mbaj qëndrim, se ndryshe i bie që të gjithë të rendim pas të vërtetave që i di të gjitha ajo biba që ka marrë detyrën të mbulojë zyrën e shtypit të PD pika që si bie me të vërtetat e saj”, përfundoi Nano.