PD kërkon për herë të tretë shtyrjen e afatit të punës së komisionit hetimor për serverin e tatimeve. Në një shkresë që mban firmën e kreut të grupit parlamentar demokrat, Edi Paloka, drejtuar kryeparlamentarit Ilir Meta dhe ambasadorëve Donald Lu e Romana Vlahutin, thuhet se anëtarët e shumicës parlamentare në Komisionin Hetimor, që përbëjnë edhe shumicën, refuzuan miratimin e një kërkesë të Komisionit për zgjatjen e afatit të veprimtarisë.

Në këto kushte demokratët citojnë ligjin që parashikon se grupi kërkues për ngritjen e komisioneve hetimore ka të drejtën e kërkesës për zgjatjen e mandatit të punës së një komisioni.