POP 5

Lajmet më të lexuara të 5 minutave të fundit

PD- Kolegjit Zgjedhor: Mos u jepni mandatet Këshillave Bashkiakë derisa Kushtetuesja të vendosë (LETRA)

Opozita i ka dërguar një letër Kolegjit Zgjedhor ku i kërkon pezullimin e dhënies së mandateve për Këshillat Bashkiakë derisa Gjykata Kushtetuese të vendosë për procesin zgjedhor të 30 qershorit.

Kjo letër që mban firmën e Sekretarit të Përgjithshëm, Gazment Bardhit vjen para nisjes së shqyrtimit në kolegj të çështjeve për shpërndarjen e mandateve të këshilltarëve bashkiak, e ndërsa bëjnë të ditur se janë vënë në dijeni dhe ODIHR, ONM, BE, ambasadat kryesore në Tiranë.

Bardhi, në emër të opozitës, e cila pasi dogji mandatet dhe vijon protestat, i referohet dekretit të tretë të presidentit Ilir Meta, i cili caktoi 13 tetori si datën e mbajtjes së zgjedhjeve lokale, duke argumentuar se për aq kohë sa ky dekret është në fuqi, shpërndarja e mandateve është anti-kushtetuese.

"Shoqata e Bashkive ka depozituar në Gjykatën Kushtetuese një kërkesë për kushtetueshmërinë e votimeve të 30 Qershorit.

Pa u shqyrtuar çështja në Gjykatën Kushtetuese, Kolegji Zgjedhor ka pengesë ligjore për të bërë shpërndarjen e mandateve të Këshillave monopartiake Bashkiake. Sipas Kodit të Procedurës Civile, Kolegji Zgjedhor ka detyrimin ligjor të vendosë pezullimin e gjykimit, për shkak se “çështja nuk mund të zgjidhet para se të zgjidhet një çështje tjetër.”

Ligji detyron Kolegjin të nos marrë vendim pa u shprehur më parë Gjykata Kushtetuese mbi kushtetueshmërinë e Dekreteve të Presidentit. Standardet e shqyrtimit gjyqësor te nosmarrëveshjeve në rrezik nga presioni i vetingut mbi disa anëtarë të Kolegjit Zgjedhir.

Vendimet e deritanishme të Kolegjit Zgjedhor, të pambështetura në ligj dhe të motivuara politikisht, sipas interesit të Qeverisë. Regjistrimi i paligjshëm i Bindjes dhe mohimi i opozitës për komisionerët, u konstatuan të paligjshme nga ODIHR.

Vetëm Gjykata Kushtetuese mund të shqyrtojë mënyrën e ushtrimit të kompetencave nga Presidenti, përfshirë dekretin e zgjedhjeve.

Sa kohë janë në fuqi dekretet për zgjedhje në 13 Tettor mandatet e këshilltarëve bashkiakë nuk mund të shpërndahen.Janë fituar në votime të padekretuara nga Presidenti.

Ky është një rast që Kolegji të mos lejojë zëvendësimin e pluralizmit me partinë shtet dhe demokracia me diktaturën.

Koha t’i shërbeni interesit publik përpara interesit tuaj privat, i cili po përdoret nga Rama për të krijuar drejtësinë e tij private, duke i shkaktuar Shqipërisë një dëm afatgjate", shkruhet në letër. 

B.K./m.v./Shqiptarja.com
Komento

Komente

  • Tahir tarfyci: 22/07/2019 13:13

    Ka ikur koha kur i kishit nen urdhera.Lerini te bejn punen e tyre sipas ligjit. Mos pengoni me ju plehrat e shoqeris.

    Përgjigju
  • Naimi: 22/07/2019 13:13

    Une habitem vete iken nga parlamenti vete dogjen mandatet duke humbur te gjitha te drejtat qe i takojne opozites tani cfare kerkojne apo ate qe peshtyne tani duan ta lepijne.

    Përgjigju
  • peoples: 22/07/2019 12:30

    Se cme kujton nje figure....Ah po ..a e mbani mend Toren?Kush eshte Tiranas dhet ta dije.

    Përgjigju