POP 5

Lajmet më të lexuara të 5 minutave të fundit

Politikë

PD mbështet SPAK, Basha: Kush ka abuzuar me fondet dhe pasuritë e shqiptarëve të shkojë para drejtësisë

Kryetari i Partisë Demokratike, Lulzim Basha, në një bashkëbisedim me gra në Belsh, e ka konsideruar luftën kundër korrupsionit prioritet të PD.

Kryetari i Partisë Demokratike, Lulzim Basha, në një bashkëbisedim me gra në Belsh, e ka konsideruar luftën kundër korrupsionit prioritet të PD. Sipas Bashës, korrupsioni është ndër shkaktarët kryesorë të situatës ekonomike dhe largimit masiv të të rinjve. Në fjalën e tij, Basha se kushdo që ka abuzuar me fondet dhe pasuritë e shqiptarëve të shkojë para drejtësisë.

“Kush ka abuzuar me fondet dhe me pasuritë e shqiptarëve, me besimin e shqiptarëve, të shkojë para drejtësisë. Dhe për këtë, Partia Demokratike i jep mbështetje të pakushtëzuar SPAK-ut, pa asnjë kusht, mbështetje të plotë drejtësisë dhe të vendosë para ligjit këdo që ka abuzuar me besimin, me paratë dhe me pasuritë e shqiptarëve", - u shpreh kryetari i PD.

Basha theksoi se krahas inkurajimit dhe mbështetjes së SPAK, PD ka çuar në parlament dhe projektligjin për vetingun e politikanëve, përmes të cilit synon të largojë politikanët e korruptuar dhe të lidhur me krimin nga politika.

“ Siç është bërë vettingu i gjyqtarëve dhe i prokurorëve, siç bëhet vettingu i punonjësve të policisë dhe i punonjësve të gardës, të bëhet dhe vettingu i politikanëve. Kush e justifikon pasurinë e vet dhe të familjes së vet, të vazhdojë. Kush nuk e justifikon, nuk mund të vazhdojë më të jetë përfaqësues i interesave të qytetarëve”, u shpreh Basha.

Kreu i Partisë Demokratike ka nisur një tur takimesh me qytetarët në gjithë vendin.

Prononcimi i plotë i Bashës

Kush ka abuzuar me fondet dhe me pasuritë e shqiptarëve, me besimin e shqiptarëve, të shkojë para drejtësisë. Dhe për këtë, Partia Demokratike i jep mbështetje të pakushtëzuar SPAK-ut, pa asnjë kusht, mbështetje të plotë drejtësisë dhe transparencë, si dhe të vendos para ligjit këdo që ka abuzuar me besimin, me paratë dhe me pasuritë e shqiptarëve.

Nga ana tjetër, lufta kundër korrupsionit zhvillohet dhe nga politika. Si zhvillohet nga politika? Duke larguar politikanët e korruptuar. Kemi çuar një ligj për vettingun e politikanëve në Kuvend, i cili parashikon që politikanëve t’iu kontrollohet pasuria dhe integriteti në raport me lidhjet me krimin e organizuar.

Dhe kush nuk e kalon këtë test, nuk mund të vazhdojë më të pretendojë që i shërben njerëzve. Sepse faktikisht ai politikan është problem për njerëzit. Ai dëmton interesin e njerëzve. Siç është bërë vettingu i gjyqtarëve dhe i prokurorëve, siç bëhet vettingu i punonjësve të policisë dhe i punonjësve të gardës, të bëhet dhe vettingu i politikanëve. Kush e justifikon pasurinë e vet dhe të familjes së vet, të vazhdojë. Kush nuk e justifikon, nuk mund të vazhdojë më të jetë përfaqësues i interesave të qytetarëve. Kaq e thjesht është. Ajo që vlen për gjyqtarët dhe prokurorët, ajo që vlen për punonjësit e policisë dhe punonjësit e gardës, të jetë edhe për politikanët. Vetëm duke luftuar korrupsionin, vetëm duke i dhënë fund pandëshkueshmërisë, që do të thotë që t’i vëmë qytetarët të barabartë para ligjit, vendi mund të fillojë të ndryshojë me të vërtetë.

Dhe nuk mund të jetë më peng dhe nuk do të jetë më peng i premtimeve boshe të politikanëve të korruptuar që tjetër gjë thonë për të marrë votën, pastaj sa të vijnë në pushtet nuk e kanë mendjen tek njerëzit, por e kanë mendjen tek interesat e veta, e kanë mendjen tek xhepat e veta. Gjëja e parë që do të bëjmë është një politikë në shërbim të njerëzve, një politikë me fytyrë njerëzore, institucione që i shërbejnë njerëzve, jo institucione që janë privatizuar nga politika dhe kjo pastaj fillon dhe jep rezultat në çdo aspekt. Fillon dhe jep rezultat tek ekonomia, tek shëndetësia, tek arsimi, tek politikat për rininë, tek fermerët të cilët janë më të braktisurit në Europë. Se sot shumicën e kohës e kemi kaluar me fermerët. Fermeri shqiptar pa subvencion, pa mbështetje, pa asgjë, është në kushte mbijetese.

Dhe prandaj është zbrazur Dumreja, është zbrazur Belshi, është zbrazur Shqipëria, sepse 1/3 e popullsisë jeton me tokën. Jo jeton, por mbijeton. Është detyrë e shtetit t’i gjendet afër me mbështetje financiare, me subvencione, me investime për infrastrukturën dhe të garantojë aksesin e prodhimit në treg. Që të shitet prodhimi në fund fare, jo të kalbet, siç është kalbur prej shumë vitesh produktet e Dumresë pas premtimeve boshe të politikanëve. E gjithë kjo punë kryhet në qoftë se ka vullnet, në qoftë se ka vizion, në qoftë se ka vendosmëri që atë vizion me e zbatuar.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 09/11/2023 14:59

    Te kerkosh viting ne politike eshte veprimi me i duhur dhe me trasoarent , por kur e nxjerr nga goja Lul Basha eshte e neveriteshme.Ti leme vilat hyrjet luksoze apo pallatin ne mes te detit,po ku shkuan 250 milion dollar te rruges kombit qe u vertetuan nga KLSH ? Paraqitu nuk gjykate po je burr me moral , ndryshe mos flit . Shqiptaret i din te gjitha pislkeqet dhe krimet e pilitikaneve te perfolur

    Përgjigju
  • Komentuesi: 09/11/2023 11:43

    Ti je i pari. Maskara.

    Përgjigju
  • Gazepi: 09/11/2023 11:24

    Bravo Basha bravo. Ke hareuar te marresh me vete edhe Nafijen o karuc ne tamel

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43