Përmes një komunikate për shtyp, PD dënon qëndrimet e deputetëve të mazhorancës duke e cilësuar këtë si mbështetje të krimit dhe korrupsionit. Selia blu thekson se riciklimi i krimit dhe korrupsionit është një kërcënim për të ardhmen e vendit, duke shtuar se dekrimializimi është një emergjencë kombëtare.
“Partia Demokratike dënon qëndrimet e përsëritura të dyshes Rama-Meta në mbështetje të krimit dhe të korrupsionit. Riciklimi i krimit dhe i korrupsionit në politikë është kërcënimi më i madh për të sotmen dhe të ardhmen e shqiptarëve. Përdorimi i rekordeve kriminale të deputetëve të inkriminuar për të mbyllur hetimet e drejtësisë përbën provë flagrante të kapjes së shtetit nga kupola mafioze e dyshes Rama-Meta. Dekriminalizimi është sot një emergjencë kombëtare. Askush dhe asgjë nuk do të na ndalë në këtë mision jetik për Shqipërinë dhe shqiptarët pa dallim.” thuhet në komunikatën e PD
Redaksia Online
(e.c/shqiptarja.com)