PD ngre dy grupe pune për 
dekriminalizimin e politikës

TIRANE- Sesioni i ri parlamentar do të jetë i ngjeshur për axhendën opozitare. Nismat që opozita do të ndërmarrë në nisje të këtij sesioni parlamentar, bashkohen të gjitha në një pikë të përbashkët, atë të dekriminalizimit të pushtetit dhe të politikës. Këtë fakt e bëjnë të ditur burime brenda Partisë Demokratike.

Lidhur me këtë, në Partinë Demokratike janë ngritur dy grupe pune, njëri lidhet me çështje e dekriminalizmit dhe tjetri me ekzekutimin e vendimeve të Gjykatës Kushtetuese dhe të drejtën e opozitës për të ngritur komisione hetimore. Deputeti demokrat Eduard Halimi, i cili është edhe kryetar i grupit të ngritur për ekzekutimin e vendimeve të Gjykatës Kushtetuese, i cili tregon se këto dy grupe pune po punojnë mbi hartimin e drafteve përkatëse duke u bazuar në modelet e vendeve të BE-së.