POP 5

Lajmet më të lexuara të 5 minutave të fundit

Kronikë

PD: Policët e inkriminuar 
janë emëruar si drejtues të lartë

Komisioni hetimor për Policinë e Shtetit në mbledhjen e djeshme është përfshirë nga debate të forta mes deputetëve, shkak i së cilave është bërë propozimi i kryetarit të këtij komisioni Arben Ristani, për marrjen në shqyrtim të një raporti sekret të hartuar nga shërbimet inteligjente në vitin 2004, që implikon në veprimtari kriminale, ish-drejtues të lartë të Policisë të rikthyer së fundmi në detyrë. 
PD: Policët e inkriminuar <br />janë emëruar si drejtues të lartë
TIRANE- Komisioni hetimor për Policinë e Shtetit në mbledhjen e djeshme është përfshirë nga debate të forta mes deputetëve, shkak i së cilave është bërë propozimi i kryetarit të këtij komisioni Arben Ristani, për marrjen në shqyrtim të një raporti sekret të hartuar nga shërbimet inteligjente në vitin 2004, që implikon në veprimtari kriminale, ish-drejtues të lartë të Policisë të rikthyer së fundmi në detyrë. Sipas Ristanit, dokumenti është në shërbim të procesit hetimor dhe mban firmën e ish-Drejtorit të Përgjithshëm të Policisë, Bajram Ibraj. Në përmbajtje të këtij dokumenti sipas deputetëve të opozitës, sqarohet përfshirja në veprimtari kriminale e drejtuesve të lartë të policisë në vitin 2004, të cilët janë rikthyer së fundmi në detyrë.

Por kërkesa e deputetëve të opozitës është kundërshtuar nga nënkryetari i komisionit, Taulant Balla, me pretendimin se ishte në kundërshtim me ligjin dhe rregulloren e Komisionit. Sipas Ballës, komisioni duhet të përmbyllë hetimet dhe të dalë me konkluzione brenda pak ditësh.Reagime të forta për këtë çështje ka pasur edhe nga deputeti socialist Pjerin Ndreu, i cili ka deklaruar se është në dijeni të dokumentit dhe se të gjitha ato që thuhen për ish-drejtuesit e Policisë së asaj kohe janë rrëzuar me vendim gjykate.Ndreu akuzoi se në hartimin e dokumentit në fjalë ka pasur dorë ish-ministri i Brendshëm i asaj kohe i cili është marrë me trafik vizash dhe ka urdhëruar akuzat ndaj drejtuesve të policisë për të njollosur elitën e policisë dhe derdhur vrer ndaj saj.

Deputeti socialist e konsideroi këtë dokument një shashkë  të ngjashme me shashkat e Visho Ajazit, që opozita hedh në drejtim të mazhorancës. Dokumenti në fjalë i referohet një hetimi të zhvilluar në vitin 2004 nga Ministria e Brendshme, kohë në të cilën ky institucion drejtohej nga Igli Toska. Reagimi i deputetit të PS-së, Pjerin Ndreu, ka qenë edhe më i ashpër për shkak se emri i tij sipas deputetëve të opozitës përmendej në dokument për shkak të pozitës si drejtor i Policisë së Tiranës. Edhe më parë deputeti socialist ka hedhur akuza ndaj ish-ministrit të PS-së, Igli Toska, për përfshirje në trafiqe, ndërsa shkarkimet e kupolës së policisë në atë kohë Prendi e ka quajtur si një sulm të urdhëruar, por të gjykuar drejt nga gjykatat. Për ish-ministrin Halimi, kërkesa e opozitës duhet të bëhet menjëherë pjesë e hetimit, duke ju referuar edhe lehtësirave të parashikuara në ligj.

Deputeti i PS-së, Blendi Klosi ka kërkuar nga ish-ministrat e djathtë shpjegime për mosnisje të hetimeve për këtë çështje në kohën kur ata ishin në pushtet. “Jemi gati të kërkojmë edhe falje për këtë çështje, nëse i përfundojmë hetimet dhe rezulton se informacionet e marra janë të vërteta”,- deklaroi deputeti Halimi. Duke shpjeguar se afatet kohore për hetimin kanë përfunduar, Balla ka kërkuar të mos ketë më vonesa, por të hartohet një raport për përfundimin e hetimeve. Në përfundim të diskutimeve, deputetët ranë dakort për hartimin e raportit përfundimtar më 7 maj, edhe pse pritet që palët të dalin me qëndrime të kundërta.

Shkrimi u publikua sot 1 maj 2014 në gazetën Shqiptarja.com (print)

Redaksia online
(d.a/shqiptarja.com) 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Trump: Mora garancinë nga presidentja e Meksikës se do ndalojë emigracionin e paligjshëm në kufi! Sheinbaum përgënjeshtron: Nuk kemi qëllim mbylljen e kufijve

Trump: Mora garancinë nga presidentja e Meksikës se do ndalojë emigracionin e paligjshëm në kufi! Sheinbaum përgënjeshtron: Nuk kemi qëllim mbylljen e kufijve

28 Nëntor, 09:13