Përmes një statusi në rrjetin social Facebook, kryetari i PD shkruan se demokratët do protestojnë kundër varfërisë, padrejtësisë, drogës dhe kriminelëve në politikë.
Sipas kryetarit të PD, protesta e 18 do të jetë edhe një apel për zgjedhje të lira dhe garantimin e votës.
"I ftoj të gjithë bashkëqytetarët në një manifestim kundër qeverisë më 18 shkurt, në Tiranë.
Të protestojmë bashkë kundër padrejtësive dhe varfërisë, kundër shëndetësisë që lëngon dhe arsimit të shkatërruar, kundër arrogancës dhe shtypjes qeveritare, kundër drogës, krimit dhe kriminelëve në politikë.
Të mbrojmë lirinë për të zgjedhur dhe të tregojmë vendosmërinë për të ruajtur votën.
Vetëm me kurajo dhe vendosmëri mund ta kthejmë pushtetin tek njerëzit", shkruan Basha në Facebook.
Redaksia Online
l.q/Shqiptarja.com