Nënkryetarja e Partisë Demokratike, Oriola Pampuri në një deklaratë kritikoi qeverinë Rama dhe buxhetin për vitin 2024 që sipas saj nuk i shërben qytetarëve por oligarkëve.
“Çdo ditë shënohen skandale korruptive, dëshmi kjo e gropës së thellë të korrupsionit ku e ka futur kjo qeveri vendin.
Kjo tashmë është e provuar edhe nga hetimet zyrtare të SPAK që nga inceneratorët deri tek sterilizimi, ku është provuar vjedhja galopante që kjo qeveri me klientët e vet ka bërë ndaj pronës publike, dhe taksave të shqiptarëve.
![]()
Edi Rama është kryeministri qe ka një përfaqësues të kabinetit qeveritar dhe grupit parlamentar nën hetim dhe në burg dhe me super zëvendëskryeministrin në kërkim ndërkombëtar.
Në buxhetin e vitit 2024, nuk ka asgjë për shqiptarët, por miliarda lekë për koncesionet dhe PPP-të korruptive, tashmë të kapura në vjedhje edhe nga SPAK”, tha ajo
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)