POP 5

Lajmet më të lexuara të 5 minutave të fundit

Arkiva

PD: Rama e Veliaj kundër Rrugës së Kombit

Një ditë më parë, Veliaj shpërndau në adresën e tij të internetit, një shkrim që fliste me nota negative për Rrugën e Kombit, i cili kishte për autor gazetarin, Andrea Lorenzo Capussela. Në deklaratën e PD-së theksohet se ky shkrim dëshmon qëndrimin e kreut të PS-së kundër Rrugës së Kombit.
PD: Rama e Veliaj kundër Rrugës së Kombit
TIRANË - Partia Demokratike ka reaguar sot ndaj një shkrimi që Sekretari i Partisë Socialiste për Emigracionin dhe Rinin ka postuar dje në adresën e tij në Facebook për rrugën Durrës-Kukës.
Në deklaratën e PD-së theksohet se ky shkrim dëshmon qëndrimin e kreut të PS-së kundër Rrugës së Kombit.
“Edi Rama nëpërmjet lejtnantit të tij, shpërndau në e-maile, facebook e media një shkrim të lobeve antishqiptare mbi Rrugën e Kombit. Në këtë shkrim sërish risillet deklarimi i kreut socialist se kjo është rruga e asgjësë, dhe rruga e panevojshme, apo edhe rrënimi i shqiptarëve”, thuhet në reagimin e selisë blu.
Në deklaratë theksohet se; “me këtë veprim z. Rama tregoi edhe një herë, urrejtjen e tij për rrugën e kombit, rrugën e të gjithë shqiptarëve. Tregoi mashtrimin që bëri vetëm 2 muaj më parë kur u betua se Partia Socialiste nuk ka qënë asnjëherë kundër kësaj rruge”.
Sipas selisë blu, qëndrimet e PS-së synojnë njollosjen e një prej veprave më të rëndësihme në vend. “Vetëm dy muaj më pas shpërndau në të gjitha mediat shkrimin e pavlerë për të njollosur kështu veprën më të vyer e më të bukur të shqiptarëve, rrugën e kombit”, thuhet në deklaratën e PD.
Një ditë më parë, Veliaj shpërndau në adresën e tij të internetit, një shkrim që fliste me nota negative për Rrugën e Kombit, i cili kishte për autor gazetarin, Andrea Lorenzo Capussela.

(aq/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54