POP 5

Lajmet më të lexuara të 5 minutave të fundit

Politikë

PD: Rama, qeveri tejet të fryrë
dhe "fshesë" mbi administratën

PD-ja ka reaguar menjëhërë pas publikimit të strukturës së re të qeverisë, të publikuar sot në mesditë nga kryeministri i ardhshëm Edi Rama. Deputeti demokrat Gerti Bogdani e ka konsideruar atë strukturë si tejet të fryrë dhe me kosto të lartë.
PD: Rama, qeveri tejet të fryrë<br />dhe "fshesë" mbi administratën
TIRANË – Partia Demokratike ka reaguar menjëhërë pas publikimit të strukturës së re të qeverisë, të publikuar sot në mesditë nga kryeministri i ardhshëm Edi Rama. Deputeti demokrat Gerti Bogdani e ka konsideruar atë strukturë si tejet të fryrë dhe me kosto të lartë. Nga ana tjetër, ai ka denoncuar, “fshesën” e paralajmëruar në administratën publike nga Rama duke përfunduar se PD-ja do të jetë në mbrojtje të interesave të taksapaguesve shqiptare për abuzimet që po i bëhen fondeve publike si edhe administratës shtetërore që rrezikon të pushohet.

"Edi Rama faktoi sot se pazari për ndarjen e "gjahut" të 23 qershorit do të rëndojë dhimbshëm mbi xhepat e shqiptarëve,"- tha Bogdani. - "Pavarësisht prej përpjekjes amatore për të fshehur fryrjen e pashembullt të shpenzimeve, fatura e kripur e këtij projekti anti-institucional, është zullumi i rradhës i koalicionit të mashtrimit për shqiptarët dhe vendin. Ky koalicion vendos rekordin historik si i vetmi sot në botë që po nis punën jo duke shkurtuar, por duke rritur koston financiare të qeverisjes që ditën e tij të parë.

Po sot, kryesocialisti konfirmoi edhe projektin e spastrimit dhe fshesës mbi administratën publike duke dëshmuar mendësinë e zakoneve dhe veseve të vjetra. Edi Rama është i vetmi politikan në Europë që e nis punën duke projektuar pushime masive të punonjësve të administratës publike dhe zëvendësimin e tyre me militantë të rekrutuar në zyrat e PS-së.

Partia Demokratike denoncon fshesën anti-institucionale kundër administratës publike si dhe mekanizmin e grabitjes së taksapaguesve shqiptarë nëpërmjet fryrjes shokuese të numrit të ministrive.

Partia Demokratike është e vendosur të mbrojë me çdo mjet ligjor dhe politik, qytetarët shqiptarë nga abuzimi me taksat e tyre dhe punonjësit e administratës publike nga fshesa anti-ligjore e paralajmëruar,"- përfundoi Bogdani.
 
Sot në mesditë, Rama publikoi strukturën e qeverisë së re që do të drejtojë duke filluar nga muaji shtator.
 
Redaksia online
(ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça