PD: Rama tendera me shumicë
Beqajt e Abazit. Fuga:Thashetheme

Partia Demokratike, përmes anëtares së Këshillit Kombëtar, Ina Zhupa ka akuzuar kryeministrin Rama se përgjatë dy javëve të fundit ka vijuar me intensitet ndarjen e parave me miqtë dhe donatorët e tij.

"Ilir Beqa me firmën e tij Intech plus, ka marrë tendera të tjerë, me vlerë 1 miliardë e 640 milionë lekë.
Në një prej tenderave në Ministrinë e jashtme, me 320 milionë lekë, kompania e Beqës ka qënë ofertues i vetëm dhe ka marrë qindarkë me qindarkë gjithë fondin limit të vënë në dispozicion."tha përmes një deklarate për shtyp Ina Zhupa anëtare ë Këshillit Kombëtar

Me njëherë pas kësaj deklarate ka reaguar edhe drejtori i Komunikimit në Kryeministri Endri Fuga i cili përmes një postimi në Tëitter:
"Cdo dite fabrikojne akuza, marrin neper goje sipermarres, kriminalizojne kedo. Sot si per fundvit, SHQUP ben permbledhjen e thashethemeve!"-shkruan Fuga

Deklaratë e anëtares së Këshillit Kombëtar, Ina Zhupa
Në dy javët e fundit, skema e Edi Ramës e ndarjes së parave me miqtë dhe donatorët e tij ka qënë në funksion me kapacitet të plotë.
Siç tregon buletini i prokurimeve;

Ilir Beqa me firmën e tij Intech plus, ka marrë tendera të tjerë, me vlerë 1 miliardë e 640 milionë lekë.
Në një prej tenderave në Ministrinë e jashtme, me 320 milionë lekë, kompania e Beqës ka qënë ofertues i vetëm dhe ka marrë qindarkë me qindarkë gjithë fondin limit të vënë në dispozicion.

Vazhdon Vilma Nushi me firmën e saj Trimed, duke marrë këto dy javë 710 milionë lekë nga Beqa dhe nga spitalet e vendit. Kryesisht, para të marrë me negociim, pa shpallje. Godet sërish Sadri Abazi, me firmën që me letra e ka nipi i tij, duke future në dorë 1 miliardë e 830 milionë lekë në tendera të ndryshëm nga rrugët tek KESH-i.
Omega Farma, pronari i së cilës është në arrest dhe nën hetim për korrupsion, vazhdon të marrë para nga Ilir Beqa.Ministri i Ramës kërkon të blejë heshtjen e shefit të Omega Farmës, pasi njihet përfshirja e tij në skemën e recetave fiktive. 1 miliardë e 279 milionë lekë për Nadirin e Beqës.

Ndërtuesi i Ramës, Papuli ka marrë edhe ai një pako këto dy javë, me shërbim e shitje makine, 80 milionë lekë. Shihni pra të nderuar qytetarë se çfarë bëhet me paratë tuaja.

Ato janë që në fillim të destinuara të ndahen mes Ramës e miqve të tij, mes beqës e klientëve të tij. Ky shtet i korruptuar duhet ndalur.Ky është viti i fundit i kësaj hajdutërie që po pasuron Ramën e 40 hajdutët e tij, e po varfëron deri në frymën e fundit popullin. Koha është tani. Korrupsionin do ta ndalim ne të bashkuar, në rrugë në sheshe, derisa ta dëbojmë klikën që vjedh e zhvat paratë e pasuritë e shqiptarëve.