PD: Rama vetëlavdërohet në “The
Economist” me lekët e shqiptarëve

Sekretarja e Marrëdhënjeve me publikun në Partinë Demokratike, Grida Duma ka akuzuar kryeministrein e vendit, Edi Rama se ka shpenzuar qinda million lekë të shqiptarëve për të blerë 8 faqe reklamash në revistën më të shtrenjtë të botës, “The Economist” për të publikuar artikuj lëvdatash.

Duma ka theksuar se, vetë gazeta e ka faktuar një gjë të tillë, që konsiderohet si vetëlavdërimi më i shtrenjtë i këtyre viteve.

Ky vetëlavdërim, sipas Dumës vjen në një kohë kur qindra familje në vend janë në vështirësi si pasojë e përmbytjeve dhe nuk janë ndihmuar.

Kjo, sipas Dumës, është një nga shpërdorimet më të turpshme të Kryeministrit.



Ja deklarata e Partisë Demokratike
 
Edi Rama ka shpenzuar qindra milionë lekë të taksapaguesve shqiptarë për të blerë 8 faqe reklamash në revistën më të shtrenjtë në botë, The Economist, për një artikull-reklamë që thur lëvdata për të, por që në krye tregon se është shkrim i paguar.
Sipas rregullave britanike të reklamës, në çdo faqe ku lëvdohet Edi Rama, shkruhet Advertisement Feature, çka do të thotë, shkrim i paguar. 
Vetëlavdërimi 8 faqësh i Edi Ramës, është padyshim më i shtrenjti në historinë e këtyre viteve, dhe u ka kushtuar shumë taksapaguesve shqiptarë.
Ky shpërdorim parash, bëhet në kohën kur mijëra familje në Vlorë, Fier, Lushnjë, Durrës, Krujë dhe Lezhë që janë në kushte ekstreme nga pasojat e përmbytjes, nuk kanë marrë asnjë ndihmë nga qeveria, dhe mijëra familje të tjera janë në rrezik për shkak të motit që vazhdon të përkeqësohet.
E megjithatë, Edi Rama vendos të çojë dëm qindra milionë lekë të shqiptarëve për të blerë lëvdata për vete.
Ky shpërdorim turpshëm i parave të shqiptarëve, jo vetëm nuk e ndihmon Shqipërinë dhe gjendjen e rëndë të qytetarëve, por nuk zbardh asgjë në imazhin e nxirë të një kryeministri që ka 200 milionë euro pasuri me rryshfete pallatesh, që ndau me CEZ 600 milionë euro, që fshihet pas 1 milionë dollarëve në ditë evazion në dogana, që ka detyruar 100 mijë bashkqytetarë të ikin në eksod, që mbushi zyrat e Parlamentin me kriminelë e trafikantë, që nuk deklaron pikturat e tij në doganë, që jep pasuritë e vendit me bisedime të fshehta, që shet asetet për një biletë në radhën e parë të NBA, që braktis vendin ditën kur mijëra familje janë nën ujë.
Edi Rama është kryeministri më i korruptuar në Ballkan, dhe nuk ka shkrim të blerë a reklamë të shtrenjtë që e shpëton nga gjykimi i drejtë i qytetarëve.


Redaksia online
(F.T/shqiptarja.com)