POP 5

Lajmet më të lexuara të 5 minutave të fundit

Politikë

PD sulmon Qeverinë për pensionet, Bozdo: Përgjegjëse, i ka hedhur shqiptarëve trutë e gomarit! Pensionet e vendeve të rajonit janë dyfish

Anëtari i kryesisë në Partinë Demokratike, Eno Bozdo, në një deklaratë sot për mediet, e cilësoi “fyese rritjen me 4% të pensioneve”, që në fakt ishte indeksimi i tyre. Kërkon qeveri teknike dhe zgjedhje të lira: Shqipëria e boshatisur dhe e telendisur e Ramës!

PD sulmon Qeverinë për pensionet, Bozdo: Përgjegjëse, i ka hedhur shqiptarëve trutë e gomarit! Pensionet e vendeve të rajonit janë dyfish

Eno Bozdo, sot në konferencë

Tiranë- Opozita akuzon Qeverinë për mënyrën se si po trajton pensionistët.

Anëtari i kryesisë në Partinë Demokratike, Eno Bozdo, në një deklaratë sot (24 tetor) për mediet, e cilësoi “fyese rritjen me 4% të pensioneve”, që në fakt ishte indeksimi i tyre.

“Përgjegjësi për këtë ka vetëm qeveria dhe jo biznesi që thërritet dhe telendiset “live”, për t`i hedhur shqiptarëve trutë e gomarit”, u shpreh Bozdo.

Sipas Bozdos, shumica e vendeve të rajonit i kanë pensionet mesatare dyfishin e atyre në vendin tonë. Bozdo u shpreh se këtë nuk e kanë arritur duke fajësuar biznesin, por duke ndërmarrë reforma kundër evazionit fiskal dhe korrupsionit.

“Shqipëria, edhe pse konsiderohet një vend më ngarkesë të lartë fiskale, është e fundit në Ballkan për sa i përket të ardhurave të mbledhura. Ajo realizon të ardhura në 27,8% të PBB, kur Kosova shkon në 29,3%, Maqedonia në 31%, Serbia dhe Mali i zi në 42%. Nëse Shqipëria do të performonte sa mesatarja e rajonit, sot do të mblidhnim 1,8 miliardë euro më shumë, të mjaftueshme për t`i dyfishuar rrogat dhe pensionet bashkë”, tha Bozdo në shifra.

Sipas tij, zgjedhjet e vitit që vjen janë “kufiri që ndan mundësinë për një atdhe normal nga Shqipëria e boshatisur dhe e telendisur e Ramës”.

“Një kabinet teknik asnjanës, që mundëson zgjedhje të lira e të ndershme dhe që i hap rrugën një qeverie që aktin e saj të parë, do të ketë vendosjen e minimumit jetik dhe uljen e taksave për individët edhe bizneset”, theksoi përfaqësuesi i PD.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54