POP 5

Lajmet më të lexuara të 5 minutave të fundit

Politikë

PD: Tenderi abuziv i ministrit Beqaj 
 85 milionë lekë kompanisë së tij

Partia Demokratike ka vijuar akuzat ndaj ministrit të Shëndetësisë Ilir Beqaj për tendera abuzivë. I radhës sipas deputetes të djathtë Arbiola Halimi, është tenderi për instalimin e sistemit të kontabilitetit Oracle në Fondin e Detyrueshëm të Sigurimeve Shëndetësore. Në një deklaratë për mediat nga selia blu, deputetja tha se ministri Beqaj i ka dhënë kompanisë së themeluar prej tij INTECH plus 85 milionë lekë për instalimin e këtij shërbimi, i cili sipas PD ende nuk është ofruar.  VIDEO
PD: Tenderi abuziv i ministrit Beqaj <br /> 85 milionë lekë kompanisë së tij
TIRANË - Partia Demokratike ka vijuar akuzat ndaj ministrit të Shëndetësisë Ilir Beqaj për tendera abuzivë. I radhës sipas deputetes së djathtë Arbiola Halimi, është tenderi për instalimin e sistemit të kontabilitetit Oracle në Fondin e Detyrueshëm të Sigurimeve Shëndetësore. Në një deklaratë për mediat nga selia blu, deputetja tha se ministri Beqaj i ka dhënë kompanisë së themeluar prej tij INTECH plus 85 milionë lekë për instalimin e këtij shërbimi, i cili sipas PD ende nuk është ofruar.

Skandali në këtë tender sipas Partisë Demokratike, është fakti se firma e themeluar nga ministri ishte e vetmja që kishte shfaqur ofertën për ofrimin e këtij programi në Fondin e Sigurimeve Shëndetësore.

Ja deklarata e plotë e Arbiola Halimit
Korrupsioni i Ilir Beqës është i larmishëm dhe i shtrirë në shumë fusha.

Një nga faktet më skandaloze është rasti kur ai vetë, drejtpërdrejtë i ka dhënë firmës së tij INTECH plus, 85 milionë lekë, për instalimin e një programi tek Fondi i Detyrueshëm i Sigurimeve Shëndetësore.

Eshtë një nga tenderat më të parregullt që kanë konstatuar audituesit, pasi jo vetëm kanë gjetur mungesë dokumentacioni, por firma e themeluar nga Ilir Beqa, ishte ofertuesi i vetëm.

Për më tepër, në krye të bordit të këtij Fondi, ai që merr vendimet, është vetë Ministri, Ilir Beqa.

Sipas burimeve zyrtare, edhe pse në këtë rast Beqa, i dha me firmën e tij, 85 milionë lekë firmës së tij, Intech plus, shërbimi as nuk është ofruar.

Sistemi i kontabilitetit Oracle, për të cilën Beqa i dha Beqës 85 milionë lekë, nuk funksionon.

Vjedhje e hapur, paratë janë dhënë, puna nuk është bërë.

Me gjithë këto rekorde skandaloze korrupsioni, Ilir Beqa vazhdon të fitojë zemrën e Edi Ramës i cili e ka caktuar së fundmi dhe kordinator për matjen e punës së qeverisë.

Sipas standardeve të kampionit të korrupsionit, punë e mirë është kur vjedh shumë dhe kudo.

E vërteta është se puna e këtij ministri, e kësaj qeveria duket qartë dhe e njohin mirë gjithë qytetarët e vendit.

Tani i takon qytetarëve të bëjnë vlerësimin e tyre.

Redaksia Online
(F.T/shqiptarja.com)
 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01