POP 5

Lajmet më të lexuara të 5 minutave të fundit

Politikë

PD, Topollaj: Veliaj të shkojë para
drejtësisë, falsifikoi firmën për gjobën

Anëtari i Këshillit Bashkiak tëTiranës, në radhët e Partisë Demokratike, Fabian Topalaj në një dalje publike për mediat, ka deklaruar se kryebashkiaku Veliaj ka kryer dy vepra penale, që kanë të bëjnë me shpërdorimin e detyrës dhe falsifikimin e dokumentave.
PD, Topollaj: Veliaj të shkojë para<br />drejtësisë, falsifikoi firmën për gjobën
TIRANE - Anëtari i Këshillit Bashkiak tëTiranës në radhët e Partisë Demokratike, Fabian Topalaj në një dalje publike për mediat ka deklaruar se kryebashkiaku Veliaj ka kryer dy vepra penale, që kanë të bëjnë me shpërdorimin e detyrës dhe falsifikimin e dokumentave.
 
Këtë çështje ai e lidh me atë të firmës së policit bashkiak në gjobën e Bashkisë për PD-në, për të cilën edhe vetë inspektori bëri kallëzim në Prokurori gjatë ditës së djeshme, duke thënë se nuk ka firmosur ai në faturën për dëmet e shkaktuara në protestën e 8 dhejtorit.
 
Topallaj tha se Prokuroria duhet të hetojë rreth kësaj çështje dhe të kërkojë dënimin e Veliajt.
 
Ja deklarata e plotë e tij
Drejtori i Edi Ramës në Bashkinë e Tiranës, Erion Veliaj ka konsumuar dy vepra të rënda penale në një ditë; Falsifikim dokumentash dhe shpërdorim detyre.

Kurajoja dhe integriteti i inspektorit Besmir Karaj, zbuloi shkeljet e rënda të Veliajt, në përpjekjen e tij të dëshpëruar për të fituar simpatinë e shefit të tij, duke i vendosur gjobë popullit protestues.

Deri dje, akti i Veliajt ishte komik dhe qesharak, dhe mbarë opioni publik janë tallur me të.

Por nga dje, rezulton se kemi të bëjmë me shkelje serioze të ligjit, dhe me dy vepra të rënda penale, falsifikim dokumentash dhe shpërdorim detyre.

Tashmë në prokurorinë e Tiranës ka një kallëzim penal të kryer nga inspektori Karaj.

Ne i kërkojmë prokurorisë të hetojë me shpejtësi dhe të nxjerrë përgjegjësitë e Veliajt para ligjit.

Çdo qytetar i vendit do të ishte pas hekurave tani me këto dy vepra penale, të provuara tashmë publikisht.

Prokuroria ka rastin të tregojë se ligji funksionon për të gjithë, dhe se Erion Veliaj, nuk ka imunitet kur falsifikon dokumenta e shpërdoron detyrën.

Abuzimi i drejtorit të Ramës në Bashki, është një prej padrejtësive që shkakton kjo mazhorancë që e sollën popullin në Protestën madhështore të 8 dhjetorit.

Protestë që do të rritet e nuk do të ndalet derisa klika e korruptuar që nëpërkëmb ligjin si ti dojë qejfi, të largohet, e vendit ti hapet një rrugë e re.

Redaksia Online
(F.T/shqiptarja.com)


 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01