PD:Veliaj hoqi 20 mijë familje nga 
ndihma ekonomike,pranoi përgjegjësinë

PD:Veliaj hoqi 20 mijë familje nga <br />ndihma ekonomike,pranoi përgjegjësinë
TIRANË - Reila Bozdo, koordinatore e PD u shpreh sot se ministri Veliaj pranoi sot se është ai përgjegjës i drejtpërdrejt për heqjen e 20 mijë familjeve nga ndihma ekonomike.

Sipas saj, konfirmimi nga veliaj ka ardhur pasi ai pranoi sot që ndihma ekonomike jepet me firmën e tij.

"Ndryshe nga dje pranoi që ndihma ekonomike jepet me firmën e tij dhe që është ai përgjegjës i drejtpërdrejt për heqjen e 20 mijë familjeve nga ndihma ekonomike dhe futjen në skemë të miqve e familjarëve të tyre."- tha reila Bozdo.


Gjithashtu Reila Bozdo është ndalur edhe te deklarata e ministrit Veliaj se edhe ai ka qenë pjesë e skemës së përfitimit të ndihmës ekonomike, ndërsa ka ngritur pikëpyetjen se si ka mundësi që mamaja e tij arriti të kursente aq shumë nga ndihma ekonomike sa të bënte dy dasma luksoze ndërsa familjet e tjera në ndihmë ekonomike nuk sigurojnë dot as bukën e gojës

"Sot ministri tha se ka qenë pjesë e skemës së përfitimit të ndihmës ekonomike por është shumë i çuditshëm fakti se si mamaja e tij arriti të kursente aq shumë nga ndihma ekonomike sa të bënte dy dasma luksoze ndërsa familjet e tjera në ndihmë ekonomike nuk sigurojnë dot as bukën e gojës."- tha Bozdo.

Më tej Reila Bozdo ka ripërmendur edhe njëherë akuzat se qeveria ka bllokuar projektet e Bashkisë Tiranë nën drejtimin e Bashës, duke bllokuar sipas saj zhvillimin, por edhe rritjen e punësimit në Kryeqytet.

"Bashkia e Tiranës ia ka dalë të punësojë 25 mijë persona të cilët sot do të ishin 35 mijë nësë nuk do të bllokoheshin projektet strategjike dhe infrastrukturore të Bashkisë së Tiranës."- u shpreh Reila Bozdo.

Deklarata e Plotë e koordinatores së PD, Reila Bozdo
Të themi që ministri kandidat gënjeu prapë, kjo nuk është gjë e re për askënd pasi të vetmen punë që ka bërë në dy vjet është se ka ngritur gënjeshtrën në sistem
Sot, ndryshe nga dje pranoi që ndihma ekonomike jepet me firmën e tij dhe që është ai përgjegjës i drejtpërdrejt për heqjen e 20 mijë familjeve nga ndihma ekonomike dhe futjen në skemë të miqve e familjarëve të tyre. Ministri i mirëqenies personale është po ashtu përgjegjës për reduktimin e shumë se parave që marrin familjet në ndihmë ekonomike.

Sot ministri tha se ka qenë pjesë e skemës së përfitimit të ndihmës ekonomike por është shumë i çuditshëm fakti se si mamaja e tij arriti të kursente aq shumë nga ndihma ekonomike sa të bënte dy dasma luksoze ndërsa familjet e tjera në ndihmë ekonomike nuk sigurojnë dot as bukën e gojës.

Ministri të  Mirëqenies Personale që çdo përgjegjësi të vetën kërkon t’ua kalojë të tjerëvë  po i ribëjmë sërisht të ditur faktin botërisht të njohur se me urdhër te Edi Ramës banesat sociale mbahen të bllokuara nga këshilltarët e majtë në Këshillin Bashkiak të Tiranës.  

Sot po i bejmë thirrje publikisht ti japë urdhër këshilltarëve të tij të miratojnë listën prej afro 200 familjesh që plotësojnë kriteret dhe që janë peng i papergjegjshmërisë së mazhorancës.

Të ndalemi tek punësimi. Në 11 vjet kryebashkiak, Edi Rama nuk e kishte farë në axhendën e tij zhvillimin ekonomik dhe punësimin, madje të gjithë e mbajnë mend deklaratën e tij se ç’pune ka bashkia me punësimin. Për herë parë vizioni për zhvillimin ekonomik dhe punësimin u fut në prioritetet e bashkisë nga Lulzim Basha përmes uljes së taksave për bisneset e vogla, krijimi i fondit të garancive, nxitjes së sipërmarrjes së grave, hapjen e bizneseve nga të rinjtë, ndërmjetësimin mes punëdhënësve dhe punëkërkuesve. Si rezultat i ketyre politikave, Bashkia e Tiranës ia ka dalë të punësojë 25 mijë persona të cilët sot do të ishin 35 mijë nësë nuk do të bllokoheshin projektet strategjike dhe infrastrukturore të Bashkisë së Tiranës.

Edhe njëherë, kandidati për Bashkinë e Tiranës duhet të informohet më mirë për punët e bashkisë pasi në dy vjet bashkia ka vënë në dispozicion nje fond prej 2 milionë dollarësh në dy projekte të ndryshme që nxisin hapjen dhe zgjerimin e bizneseve si dhe nxisin punësimin. Madje, Bashkia e Tiranës së bashku me Fondin Norvegjez të Investimeve për Vendet në Zhvillim, Fondin Shqiptaro- Amerikan për Zhvillimin si dhe Crimson Capital Fund krijuan të parin fond në Ballkan prej 5.2 milionë dollarësh që menaxhohet nga një Bashki dhe në këtë rast, Bashkia e Tiranës. 

Ministri që sot flet për punësimin është përgjegjës së bashku me mazhorencën për mijëra familje që po lënë çdo ditë vendin si pasojë e varferisë, papunësisë, mungesës së shpresës.
 
Redaksia Online
(a.h/shqiptarja.com)

  • Sondazhi i ditës:

    Organet e drejtësisë refuzojnë komisionin 'Antikorrupsion', si e vlerësoni?



×

Lajmi i fundit

Përmbytjet në Vlorë, biblioteka e qytetit e mbuluar nga balta! Drejtoresha: Dëme të mëdha, kati i parë i librave komplet i shkatërruar

Përmbytjet në Vlorë, biblioteka e qytetit e mbuluar nga balta! Drejtoresha: Dëme të mëdha, kati i parë i librave komplet i shkatërruar