PDIU çel fushatën në Durrës
Idrizi: Do dyfishojmë deputetët

Partia Drejtësi Integrim dhe Unitet, çeli sot fushatën elektorale në qytetin e Durrësit. 

Kryetari i kësaj partie, Shpëtim Idrizi u shpreh se, PDIU do të jetë një grup parlamentar i dyfishuar pas zgjedhjeve të 25 qershorit duke veçuar se do të jetë një grup parlamentar që do të mbahet mend gjatë jo vetëm për kontributin për çështjen e Çamërisë, por për kontributin e madh që do të japë për Durrësin, Elbasanin, Tiranën, Dibrën Vlorën, Shkodrën, Tropojën e gjithë Shqipërinë.

“PDIU do të jetë një parti me grup parlamentar që do t’i japë frymën e fytyrën e vet atij parlamenti e do të bëjë presion çdo qeverie për të qenë më e ndjeshme e më e ndershme për qytetarët shqiptarë. Ju ftoj të votoni PDIU, dhe jam i bindur për mbështetjen tuaj për PDIU, e ku më shumë se në qytetin e Durrësit, një qytet që ka qënë gjithmonë larg dasive, ku në popullsia e Çamërisë gjetëm portat e hapura. Jam I bindur se Krenari i cili mund të jetë nesër deputet, do të jetë jo vetëm i PDIU-së por i të gjithë durrsakëve për të gjitha hallet e tyre”, tha Idrizi. 

Kandidatët e PDIU në qarkun e Durrësit
1    KRENAR NURI LASKO        
2    ALTIN HYSEN HOXHA        
3    EDLIRA PETRIT ABDURAHMANI        
4    OLTA NEZIR NEXHIPI        
5    ARBEN MEHMET XHEMALI        
6    ALTIN PETRIT SULEJMANI        
7    VJOLA AGIM IBRAHIMI        
8    SONILA KUJTIM CUPA        
9    ERGYS FAIK MUSTAFA        
10    VILMA KUJTIM HOXHA        
11    EDA HASAN MIRI        
12    SALI NIAZI BAJO    
13    RIZA SHUAIP ALUSHI        
14    ERIDA PULLUMB MANE

Redaksia Online
l.q/Shqiptarja.com