PE, Fleckenstein: Kaloni
“drejtësinë”, BE hap negociatat

TIRANË - Raporteri për Shqipërinë në PE, Knut Fleckenstein, në një intervistë për Televizionin Publik Shqiptar është shprehur se nëse politika shqiptare bie dakord dhe miraton reformën në drejtësi, atëherë hapen bisedimet për hapjen e negociatave për anëtarësimin e Shqipërisë në Bashkimin Evropian. Ai thotë se kjo mund të arrihet nga të dyja palët nëse kanë vullnetin e duhur dhe se duhet të gjejnë një gjuhë të përbashkët, pasi nevoja për një konsensus politik është e madhe.

Ai shpreson që kjo të ndodhë por baza do të jetë rekomandimi i Komisionit të Venecias dhe duhet të pritet ç’do të thotë ky Komision, si dhe rekomandimin e tij final. Për Fleckenstein reforma në drejtësi duhet të mbyllet në pranverë pasi 90% e njerëzve në Shqipëri e duan me të vërtetë këtë reformë gjyqësore, duan të ndryshojnë sistemin e luftës kundër korrupsionit dhe politika nuk duhet të shpanget nga kjo dëshirë e popullit.