POP 5

Lajmet më të lexuara të 5 minutave të fundit

Politikë

PE 'PRO' negociatave me Shqipërinë: I bëri reformat kyçe në rrethana të rënda

Një deklaratë pozitive ka ardhur për Shqipërinë dhe Maqedoninë e Veriut nga Bordi i Jashtëm Politik i Parlamentit Evropian. Deputetët e tij thonë se këtë vit duhet të nisin bisedimet për anëtarësimin e këtyre dy vendeve në BE. Eurodeputetët kanë pranuar realizimin e reformave të kërkuara, një arritje që duhet të ndikojë në pranimin e vendeve anëtare të këtij progresi dhe avancimin e negociatave me vendin tonë dhe Maqedoninë e Veriut.

Deputetët e Bordit të Jashtëm Politik të Parlamentit të Evropës, të cilët pak ditë më parë ishin në Tiranë dhe në Shkup për të ndjekur nga afër ecurinë e reformave, i ftuan vendet anëtare të Bashkimit Evropian që këtë vit t’i fillojnë bisedimet për anëtarësim me Maqedoninë e Veriut dhe Shqipërinë.

“Edhe Shqipëria edhe Maqedonia e Veriut i përfunduan detyrat e tyre të shtëpisë, të nevojshme për fillimin e bisedimeve për anëtarësim. Maqedonia e Veriut dhe Shqipëria i bënë reformat kyçe nën rrethana të rënda dhe tani është me rëndësi që anëtaret e BE-së në bazë të atyre arritjeve ta pranojnë progresin e arritur dhe të vendosin që t’i fillojnë bisedimet për anëtarësim këtë vit” thuhet në raport.

Delegacioni i PE-së ishte nga data 27 shkurt deri më 1 mars në Tiranë dhe Shkup. Ndërkombëtarët gjatë konferencës në Tiranë dolën jo vetëm kundër mjeteve të përdorura nga opozita (djegia e mandateve dhe dhuna), por edhe kundër kauzës së tyre (vjedhja e votave) dhe kundër kërkesave të tyre (qeveri tranzitore dhe zgjedhje të parakohshme).

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 04/03/2019 21:59

    Ikni ore mortje se përveç kusureve tona po heqim dhe kusuret që na shtuan gjyshërit tuaj pjanecë sydalë me puro në gojë që u qelbej fryma, kur na coptuan trojet nga kabaretë e birraritë e Londrës dhe të Parisit..

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49