Këshilli i Fakultetit të Histori-Filologjisë ka marrë vendimin e bojkotimit të mësimit këtë fundjavë. Ky vendim është marrë në shenjë proteste ndaj ministrisë së financave e cila sipas këtij këshilli, nuk u ka paguar pedagogëve orët shtesë në fundjavë. Kjo do të çojë në pezullimin e mësimit për studentët të cilët vazhdojnë studimet part-time dhe doktoraturën. Në bazë të udhëzimit të ministrisë së arsimit, personeli akademik i cili angazhohet me udhëheqje teze doktorature dhe oponencë teze doktorale, u konsiderohet si ngarkesë jashtë asaj mësimore vjetore, për këtë arsye duhet të paguhen për orët shtesë.